Medewerker    

Druk artikel   E-pos storie aan 'n vriend

Nissan het dié maand twee bestaande modelle opgekikker.

Die Pathfinder-reeks pronk nou met ’n paar opwindende nuwighede soos ’n vooraanstaande Bose-klankstelsel en Bluetooth-versoenbare verbinding vir al die modelle.

Dié nuwe toerusting lewer ’n groot bydrae tot die algehele weelde-gevoel van die Pathfinder.

Die Patrol-bakkie is ook vernuwe en het benewens heelwat meer kraglewering en groter wringkrag wat die motor se veldryvermoë verbeter, nou ook ’n aantal gemak- en geriefeienskappe.

Die nuwe Bose- Premium klankstelsel met tien luidsprekers, ’n CD-speler en omringklank spog nou met nog helderder klank as voorheen.

’n Ingeboude Bluetooth-stelsel maak die voertuig nog weelderiger en geriefliker.

Die Bluetooth-stelsel, wat geheuewerking het, laat jou toe om jou selfoon met die voertuig te sinchroniseer.

Dit beteken jy kan kristalhelder klank deur die Bose-klankstelsel kry wanneer jy op jou selfoon gesels.

Die buitestilering is opgekikker met die toevoeging van nuwe sewentienduim-allooisierwiele met sewe speke en omvou-rigtingwysers op die buite-tru-spieëls wat ook watervallig-gies (die eerste in ’n sportnuts) het.

Die Pathfinder se bestaande heuwelwegtrekhulp (Hill-Start Assist (HAS) en heuwelafdraandebeheer (Hill Descent Control (HDC), wat deel van die modelle met ’n outomatiese transmissie se standaardtoerusting is, is nou ook vir die handrat-weergawes beskikbaar.

Die Nissan Pathfinder-reeks bestaan uit drie modelweergawes.

Die vlagskip-model is die petrol-aangedrewe V6-model van 4,0F, wat 198 kW teen 5 600 r/min lewer en 386 Nm se wringkrag teen 4 000 r/min ontwikkel.

Twee dieselweergawes is beskikbaar met die keuse van outomatiese of handrat-wisseling. Albei word deur ’n vier-silinder-turbodiesel van 2,5 F aangedryf; dié enjin lewer 12 kW teen ?4 000 r/min en ’n wringkragtige 403 Nm teen net 2 000 r/min.

Kopers kan ook uitsien na die toevoeging van ’n versieningsplan vir 3 jaar of 90 000 km as deel van die hele reeks se standaardtoerusting, tesame met ’n meganiese waarborg van drie jaar/100 000 km sowel as ’n verf- en roeswaarborg van drie jaar.

) Die Patrol-bakkie se betroubare 4,2 F-TDi-dieselenjin is met selfs nog taaier 4x4-moontlikhede gekombineer.

Die 4,2 F-sessilinder-enjin het hoëdrukbuis-tegnologie en is aan ’n 5-gang-handratkas gekoppel.

Die opgekikkerde enjin lewer nou 90 kW teen 3 600r/min en ontwikkel 282 Nm se wringkrag teen 2 000 r/min.

Die meer krag en wringkrag verhoog ook die Patrol-bakkie se sleepvermoë met 1 000 kg.

Dit beteken die voertuig kan nou ’n indrukwekkende 2 500 kg (sleepwa met remme) of 750 kg (een sonder remme) agter hom aansleep.

Die Patrol-bakkie kan nou met sy gekombineerde tenkinhoud van 175 liter ’n afstand van meer as 1 300 km op paaie en sowat 1 100 km in veldrytoestande aflê sonder om weer vol gemaak te word.

Die nuwe Patrol-bakkie het ook die gewilde Safari-pakket wat juis vir die Patrol-bakkie en sy gebruik as wild-, boer-dery- en ontspanningsvoertuig sowel as werkbakkie ontwikkel is.

Die Safari-pakket sorg vir ’n verbeterde 4x4-voorkoms en bykomende doelgerigtheid.