19/04/2008 10:21 - (SA)
Navigator uitgebrei
Medewerker
Die Renault Scénic, wat sy buiging twaalf jaar gelede gemaak en die segment vir kompakte sogenaamde snoetbussies (veeldoelvoertuie) laat herleef het, word deesdae in Suid-Afrika as die Renault Scénic Navigator verkoop, en het pas ’n dieselweergawe bygekry.
Sedert 1996 is daar 2,8 miljoen eenhede van dié mensedraer geproduseer.
Die nuwe Scénic Navigator, wat in Februarie 2008 in Suid-Afrika bekend gestel is, het pas ’n dieselboetie ryker geword.
Die Navigator 1.9 dCi se kraglewering kom op 96 kW te staan, maar dit is sy 300 Nm wringkrag wat teen net 2 000 r.p.m. ontwikkel word wat hom laat uitblink.
Dié enjin is aan ’n 6-gang-transmissie gekoppel wat sy uiters gewillige verrigting regdeur die toerestrek vir enige taak beskikbaar hou.
Die Scénic Navigator met sy dieselenjin het net 6,0 l van dié voggies nodig om 100 km van ’n gemiddelde roete wat uit stadsverkeer en ooppadry bestaan, kaf te draf.
|
Kies jou skool se provinsie
