Druk artikel   E-pos storie aan 'n vriend

Kaapstad

As Fokofpolisiekar gedink het hulle is omstrede, moet hulle weer dink. In ’n Nederlandse meningspeiling het een van die Suid-Afrikaanse groep The Buckfever Underground se liedjies die lys van die wêreld se top-100 protesliedjies van alle tye gehaal.

Dié liedjie, Die volk (is in die k*k), is op hul album Jou medemens is dood.

Die liedjie handel oor die ontnugtering van jong Afrikaners in post-apartheid-Suid-Afrika.

Die gewilde Nederlandse sanger Stef Bos het die liedjie, wat hy ontdek het terwyl hy jare gelede in Suid-Afrika saam met Than-di Klaasen en wyle Johannes Kerkorrel gewerk het, voorgestel vir die peiling.

Ander kunstenaars wat ook die lys gehaal het, sluit in Bob Dylan, Bob Marley, Bruce Springsteen, Eminem, John Lennon, Marvin Gaye, Neil Young, Patti Smith en U2.

The Buckfever Underground het pas hul nuutste album, Saves, bekend gestel.

) Van die lirieke is:

“Storie van sonde by monde van die kombuiskasradio wat ewe grys en sedig en novilon-geel jou lewe se hande beperk tot ketels en wasgoed en stofsuiers,

Grootuier-koei, jou moeisame mens, jou grensende stuk lap, jou sagging borste, jou Parow-vriendinne, jou gek, gek obsessie met Steve Hofmeyr en Huisgenoot-heroes en bondgenootlose naweke vol popcorn en pap en braaivleis en buurmanne vol grappe,

Trippe trappe trone, die volk is in die k*k …”