03/05/2008 20:08 - (SA)
48 uur in die tou vir Madonna se 4 minute
Fanatiese aanhangers van die pop-diva Madonna het meer as 48 uur in ’n tou gestaan om gratis kaartjies te kry vir ’n konsert wat haar Hard Candy-album bekend stel.
“Dis my manier om vir my aanhangers dankie te sê,” het Madonna (49) gesê voor die aanvang van dié konsert Woensdagaand in New York.
Gratis kaartjies is uitgedeel aan bewonderaars wat voor in die ry gestaan het.
Sy het saam met Justin Timber-lake in die Roseland Ballroom opgetree en hulle het die skare op hul voete gehad met die nuwe treffer
4
Minutes
.
Dié liedjie is maar die tweede liedjie tot nog toe waarvan digitale verkope van eksemplare in vyf weke die een-miljoen-kerf verbygesteek het.
Rihanna was eerste.
Madonna het tydens die konsert van dertig minute onder meer die liedjies Candy Shop en Miles Away gesing.
• Hard Candy volg op Madonna se Confessions on a Dance Floor-album, waarvan meer as agt miljoen eksemplare wêreldwyd verkoop is.
|
Kies jou skool se provinsie
