Winkel gryp in om hans seekoei te red

Lotto nuusbrief
Kry die Lotto-uitslae elke Woensdag en Saterdag per e-pos! Kliek hier om in te teken.

Toer saam met Bokke
Wen 'n reis na Engeland en sien die Bokke op Twickenham.

Sondag 20 Julie 2008

Webwerf

Argiewe

Web

Voorblad

Meer Nuus

Algemeen

Nuusfokus

Kommentaar

Invoegsels

Streeknuus

Multimedia

Blogs

Allerlei

Loopbane24

Staatsdiensnuus

Spaarmaand

Stalmaats

City Press

Sondag

Weer

	min	maks
Bfn	2°C	20°C
Kpstd	12°C	16°C
Dbn	14°C	24°C
Jhb	3°C	17°C

Meer oor Rapport

Wie is ons

Adverteer

Kontak ons

Briewe vir publikasie

10/05/2008 21:09 - (SA)
Winkel gryp in om hans seekoei te red
Willem Pelser

Druk artikel
E-pos storie aan 'n vriend

Mnr. Tonie Joubert en Jessica die seekoei. (Foto: Willem Pelser)

Hoedspruit

Die kettingwinkelgroep Woolworths het die afgelope week ingegryp in die herrie oor Jessica, die wêreldbekende mak seekoei van Hoedspruit.

’n Groenteboer wou haar skiet omdat sy op sy plaas gaan kos soek het.

Mnr. Sybrand van Vuuren het by die departement van natuurbewaring in Limpopo aansoek gedoen om ’n permit om Jessica te skiet.

Hy het nie wildwerende heinings nie en sy plaas grens aan dié van mnr. Tonie Joubert.

Joubert en sy vrou, Shirley, het Jessica hans grootgemaak nadat sy in die vloed van 2000 van haar ma geskei is.

Woolworths koop op groot maat groente by Van Vuuren en hulle het hom laat weet “Jessica mag nie leed aangedoen word nie”.

Mnr. Julian Novak, hoof van Woolworths se kosafdeling in dié winkelgroep se hoofkantoor in Kaapstad, sê die groep was ook in verbinding met ander kettingwinkelgroepe wat produkte by Van Vuuren koop.

Hulle het dié winkelgroepe versoek om ook druk op Van Vuuren uit te oefen om Jessica nie te skiet nie.

Volgens Novak sal hulle “dit nie duld” dat hul verskaffers strydig optree met Woolworths se beleid oor die behandeling van diere nie.

Van Vuuren het daarna die versekering gegee dat hy Jessica nie sal skiet nie.

Joubert het gesê hy is baie tevrede met Woolworths se ingryping.

Hy glo egter baie meer moet gedoen word om wilde diere te beskerm wat naby plase bly.

“Ek het Woolworths gevra om ’n beleid te aanvaar wat boere by wie hy produkte koop verplig om hul plase met wildwerende heinings te omhein,” sê Joubert.

Volgens hom het Woolworths die Trust vir Bedreigde Natuurlewe gevra om kenners te stuur om hierdie week na Jessica se geval te kom kyk met die oog op ’n permanente oplossing.

Kommentaar kon nie van Van Vuuren bekom word nie.

• Minstens een seekoei, ’n bul genaamd Charlie, is al geskiet deur boere in Joubert se omgewing. Charlie is deur ’n groenteboer in sy lande doodgeskiet.

Benewens in talle koerantberigte is Jessica al onder meer gesien op die Animal Planet-televisiekanaal op DStv.

Joubert het Vrydag gesê hy het jare gelede al aangebied om vir ’n wildwerende heining om Van Vuuren se lande te help betaal.

Maar lees gerus eers oor Rapport se aanlyn-etiket.

Lagwekkend, 13/05/2008, Jacques Conradie Ha ha ha? wat ?n grap. Daar is drie goed wat die aarde laat draai: geld, leuens en beleggers belange. Nou kom magtige Woolworths die middelman wat hierdie boer soos enige ander minimal betaal en dan hierdie selfde produkte ten duurste aan oorgewig hipertensielydende windgatte verkoop met tipiese korporatiewe bravade vorendag. En nou spring die patete wat met hulle enorme 4x4s en dik beursies net Woolworths kossies eet lekker saam op en af. Maar m?re as die rakkies leeg is dan huil hulle. Die hele situasie is so lagwekkend dis om van te huil. Nou moet hierdie onderbetaalde boer sorg dat die ou groentetjies tog net nie iets oorkom nie. Hoekom kan die ou mak seekoeitjie tog maar nie in die jaard gehou word nie. My buurman gaan nie my woefie in sy erf duld nie. Hierdie is een seekoei, kom ons praat eerder oor iets groter. Derduisende papegaaie wat oor die lang termyn in hierdie land ly as gevolg van wanvoeding met sonneblomsaad en grondboontjies terwyl onverskrokke telers en handelaars al die pad bank toe lag. So, as julle nie eers iets van papegaaie weet nie, moenie kom probeer slim wees oor ?n bederfde ou seekoeitjie nie.
Jessica, 12/05/2008, Ann Esterhuizen Woolworths wel gedaan. Sy is 'n pragtige dier en dis ons plig om haar te beskerm en nie net voor die die voet wil skiet nie.
Jessica, 12/05/2008, Elize O Ja daar is ook gereeld ander seekoeie wat in die rivier op en af beweeg en n ruk by Jessica vertoef en dan weer verder trek. Daar is n paar groepe seekoeie in daai gebied.Baie dankie aaan WOOLWORTHS wat hulle wat hulle beskerm
Jessica, 12/05/2008, Elize Ek was desember op Tonie Joubert se plaas en het Jessica ontmoet. Ons het haar gevoer, bottel laat drink , gestreel en my kinders het haar self n soen op die neus gegee. Jessica bly in die rivier wat deur Tonie se plaas loop of die grens van die plaas is. Sekerlik nie die maklikste om te omhein nie.
Jessica die seekoei se penarie, 12/05/2008, H du Preez Ons wil almal sien dat daar na die mak seekoei omgesien word. Tonie Joubert en sy vrou het so ver gegaan om haar destyds te red en aan te neem vir versorging, maar was dit nou so moeilik om te besef dat hulle eiendom omhein moes word om die dier tuis te hou? Woolworths en Sybrand van Vuuren wat ingestem het om Jessica nie te skiet nie, was die helde in hierdie verhaal. Geluk julle, ons het meer van julle nodig!!
Woolworths Gee om, 11/05/2008, L Portmann Dankie Woolworths - ek het nog altyd goeie terugvoer gekry van Woolworths in verband met omgewingsake. Groot maatskappye het soveel mag en dit is wonderlik om te sien dat hierdie mag so positief aangewend word! Ek sal voortgaan om Woolworths te ondersteun.
Jessica, 11/05/2008, Elmarie van Huyssteen Welgedaan aan almal wat namens Jessica praat. Ons as mensdom het haar habitat so te se vernietig. Wat wil ons nog doen voor sy ook op die bedrygde spesie lys gaan verskyn? Veg vir haar voortbestaan. Dis ons plig.
Jessica, 11/05/2008, Delia Botha Ek wil graag weet hoekom Mnr Joubert dan nie sy eiendom omhein om Jessica binne te hou nie. Mnr van Vuuren het immers openlik te werk gegaan deur n permit te versoek, nie dat ek met hom saamstem nie. Maar wat van wilddiewe wat Jessica leed kan aandoen as dit vir haar moontlik is om rond te loop.
Die seekoei Jessica, 11/05/2008, Mariann Scott Van Vuuren, gebruik van jou winste of maak gebruik van jou buurman se offer en sit vir jou 'n omheining om jou plaas. Mens skiet nie 'n dier omdat jy te vrekkerig is om die plaas te isoleer nie. Sies Man!!!!!!!!!!!
Jessica, 11/05/2008, Marieta Mnr Sybrand van Vuuren, ek is so dankbaar dat daar plekke soos Woolworths is om mense soos jy te stop. Ek sal Woolies beslis meer ondersteun.
Skiet die seekoei, 11/05/2008, klip spaaider Hoe belaglik - Hoekom sit mnr Joubert nie wildwerende heining om sy eie eiendom nie! Van Vuren het elke reg om die seekoei te skiet. Dis dieselde belaglike redenasie wat die uitdunning van Olifante verhoed het. Ons wil ons koek he^ en dit dan nog eet ook, en in hierdie geval is simptomaties daarvan. Mnr Van Vuren produseer die voedsel vir duisende mense, sodat ons bevolking nog verder kan groei en verder druk op die omgewing plaas, en wilde diere nader aan uitsterwing dryf. Hoe belaglik dan dat ons emosioneel raak oor 'n mak seekoei wat in elk geval 'n kontant koei vir mnr Joubert is wat op mense se "ag siestog" perversies teer.
Woolworths gryp in, 11/05/2008, M Kruger Baie dankie vir die ingryp van 'n dier wat nie kan verstaan hoekom mense haar gered het en nou verstoot nie. Die mens het meer verstand as 'n dier gekry so kom ons gebruik dit en maak 'n plan. Dit is wonderlik om so naby 'n wilde dier te kom en te leer van haar, help haar om te lewe.
Winkel gryp in om hans seekoei te red, 11/05/2008, Elmarie Roux Welgedaan Woolworths!! Dit doen doen my hart goed om te sien groot winkel groepe doen so baie om 'n onskuldige dier se lewe te red! Ek doen reeds al my inkopies by WOOLWORTHS; sal beslis nog meer ondersteuning gee nad die berig! Baie dankie Mnr Novak!


Hierdie kommentaar fasiliteit is nou gesluit.

Kry Rapport op jou Facebook-profiel

Kliek hier vir groot afslag as jy inteken op Rapport!

Vind

	Stuur jou video

	Afrikaanse boeke

	Internasionale Lotto

	Rapport-foto's

	Werkgeleenthede

Stem

Steun jy 'n SA-bod vir die 2020 Olimpiese Spele?

	Ja, beslis!
	Nee, beslis nie!
	Ja, maar...

Resultate Vorige Resultate

Vind ou vriende

Kies jou skool se provinsie

en klik op die eerste letter van jou skool
A B C D E F G H I J K L M N O P Q R S T U V W X Y Z

Plaas jou GRATIS advertensie hier!

SOEK | KOOP | VERKOOP


Terug na bo \| Meer oor Rapport \| Adverteer in Rapport \| Kontak ons


Terug na bo