Druk artikel   E-pos storie aan 'n vriend

Jody Sheckter op sy plaas in Hampshire, Engeland. (Foto: Ivor Price)

Verwante Berigte Britte ontdek biltong-vreugde

Port Elizabeth

Jody Sheckter, Suid-Afrika se Ferrari-renjaer en F1-wêreldkampioen in 1979, is deesdae as boer in Hampshire, Engeland, ook ’n bobaas-biltongmaker.

En vir Sheckter is dit ’n geval van aanhouer wen, want in die twaalf jaar toe hy in Atlanta, Amerika, gewoon het, het brommers sy biltongmakery gekelder.

Ná sy vertrek Engeland toe het hy maar weer probeer.

Sheckter het eers ’n slagter van Oos-Londen oorreed om op sy plaas in Engeland te gaan werk. Daarna het hy in Suid-Afrika ’n biltongmasjien gekoop.

Eers het Sheckter net vir hom en sy gesin biltong gemaak. Daarna het hy dit in sy winkel op sy plaas begin verkoop. Deesdae word hy oorval met bestellings en hy het nog ’n slagter op sy plaas aangestel om met die biltongmakery te help. En binnekort sal hy die derde een moet aanstel, sê hy.

“Ons maak ons biltong op die ou boeremanier. Ek het grootgeword met biltong wat met asyn en koljander behandel is voordat die droogmaakproses begin het. Dit is hoe ons dit hier doen. Ons raadpleeg ook nog die resepteboeke van die destydse Vleisraad van Suid-Afrika.

“Ons gebruik die vleis van waterbuffels vir ons biltong. Dit smaak nes die ware Jakob.