Druk artikel   E-pos storie aan 'n vriend

Polokwane

Die man wie se lyk vier maande lank by ’n begrafnisondernemer in Marken, Limpopo, gelê het terwyl sy familielede gestry het oor wat om met sy oorskot te doen, is uiteindelik veras.

Mnr. Louw Meyer se derde vrou en sy kinders uit sy eerste huwelik kon nie ooreenstem oor wat om met sy lyk te doen nie. Sy derde vrou wou hom laat veras terwyl sy kinders hom wou begrawe.

Die saak het selfs al by ’n prokureur en die polisie ’n draai gemaak.

Louw is nou uiteindelik veras, het sy werkgewer, mnr. Pieter Venter van Bronkhorstspruit, gister gesê. Die as was gister steeds by ’n begrafnisondernemer in Polokwane.

Die twis tussen sy familielede duur egter voort. “Ek probeer vrede maak, en het voorgestel dat sy derde vrou die helfte van sy as kry en sy kinders uit sy eerste huwelik die ander helfte,” sê Venter.