Druk artikel   E-pos storie aan 'n vriend

Mark Lawrence.

Pretoria

Mark Lawrence is terug in die paneel van toetsblasers en sal op 28 Junie die toets tussen Australië en Frankryk in Sydney beheer, het die Internasionale Rugbyraad bekend gemaak.

Lawrence is twee jaar gelede onder groot omstredenheid van dié paneel afgehaal, maar is nou welverdiend terug op sy pos. Jonathan Kaplan, Craig Joubert en Marius Jonker is die ander plaaslike blasers onder die voorste twaalf ter wêreld.

Johan Meuwesen en Shaun Veldsman is as spesialis-televisieskeidsregters aangewys.

• Die IRR het intussen die skeidsregters aangewys wat die Springbokke se toetse teen Wallis en Italië sal hanteer.

Dave Pearson van Engeland is op 7 Junie in beheer wanneer Suid-Afrika in Bloemfontein teen Wallis speel en Lyndon Bray van Nieu-Seeland ’n week later wanneer die twee lande in Pretoria kragte meet.

Die nuweling-blaser George Clancy van Ierland sal die daaropvolgende naweek die fluitjie hanteer wanneer die Bokke Italië op Nuweland aandurf.

Willie Roos (Japan teen Australië A op 8 Junie in Fukuoka en Japan teen Tonga in Sendai op 15 Junie) hanteer twee wedstryde in die reeks om die Pasifiese beker.

Kaplan blaas op 21 Junie wanneer Nieu-Seeland in Christchurch teen Engeland speel.