Druk artikel   E-pos storie aan 'n vriend

Pretoria

’n Voormalige Springbok-kaptein, ’n voormalige Springbok-losskakel, ’n voormalige Springbok-afrigter én ’n voormalige Springbok-Wêreldbekerspeler is onder die tien benoemdes vir die Springbok-keurdersposte.

Die nasionale keurders word Woensdag aangewys.

Wynand Claassen, Errol To?bias, Ian McIntosh en Kaya Malotana is almal benoem om Peter de Villiers by te staan om sy span te help kies, maar die wys?heid van dié besluit moet bevraagteken word.

McIntosh en Peter Jooste is die manne in die saal.

Hul suksesrekord sluit in ’n o.19- en o.21-Wêreldbeker en natuurlik die Webb Ellis-trofee.

SA Rugby het homself ’n bietjie in ’n hoek geverf met ’n versoek dat nominasies vir die nasionale keurkomitee nodig is. In plaas daarvan dat Jooste en McIntosh aangesê is om voort te gaan met hul uitstekende werk van die laaste vier jaar, is unies gevra om bykomende en/of nuwe lede te benoem.

Dit is nodig ná ’n vroeër besluit dat ’n etniese swart persoon ook lid van die keurkomitee moet wees.

Dié besluit gaan beteken dat die keurkomitee uitgebrei moet word.

Dit kan ook beteken dat, sou ’n nuwe komitee sonder Jooste en McIntosh gekies word, daar van hulle verwag kan word om binne twee dae en sonder enige kennisgewing vooraf die Bok-oefengroep te kies.

Dié groep word Saterdagaand in Durban aangekondig.

Daar is vier benoemings vir die “etniese” pos.

Hulle is die voormalige Grens-vleuel David Maidza, Malotana, ’n Wêreldbeker-Bok in 1999, en twee ervare keurders uit die OP, Lucky Menge en Freddie Makoki.

Jooste se voorganger, Francois Davids, asook Tobias en die SA Skole-keurderbaas Ronald Bantom, sal hom teenstaan.

McIntosh word deur Wynand Claassen uitgedaag.