Druk artikel   E-pos storie aan 'n vriend

Verwante Berigte Strauss jubel oor no. 800 'Dit maak seer' - De Villiers Afronding kort, sê oud-Bokke Schalk se nek weer beseer

Die Wallabie-kaptein, Stirling Mortlock, het twee opponente afgeskud om die enigste drie te druk in die tweede helfte en Australië ’n oorwinning van 16-9 te besorg in Saterdag se Drienasies-wedstryd teen die Springbokke.

Daarmee het die Wallabies Suid-Afrika se vooruitsigte om die Drienasies-reeks te wen, ’n geknou. Die Bokke se rekord is nou 1-2 terwyl Nieu-Seeland een wedstryd gewen en een verloor het.

Dit was die vierde agtereenvolgende oorwinning vir die Wallabies onder die afrigterskap van nuweling Robbie Deans.

Mortlock se drie is aangeteken in die 45ste minuut van ’n wedstryd wat gekenmerk is deur hegte verdediging. Hy het met brute krag deur die Bokke se verdedigingslinie gebreek en in die hoek oorgeval. Matt Giteau se doelskop was mis, maar hy het die Wallabie-voorsprong in die 51se minuut met ’n strafskop tot 13-3 laat toeneem.

Mortlock het twee minute later die veld verlaat met vermoedelik harsingskudding.

Australië het kort daarna ’n strafskop in die skrum afgestaan en losskakel Butch James het die punteverskil tot 13-6 laat krimp.

Met nog 11 minute van die wedstryd oor, het Francois Steyn nog ‘n strafskop oorgeskop voordat Berrick Barnes die laaste spyker in die Springbok-doodskis geslaan het met ‘n skepskop in die laaste minuut van die wedstryd.

Australië het nie allermins as die gunsteling op die Subiaco-Ovaal gedraf. Die span kon net drie van sy vorige agt wedstryde teen Suid-Afrika wen en net een van die vorige vier wat gespeel is in Perth, waar Suid-Afrika sterk steun geniet van Suid-Afrikaanse immigrante.

Suid-Afrika het groot dele van die eerste helfte die wedstryd gedomineer. Steyn het die eerste punte aangeteken met ‘n strafskop van 48-meter in die sesde minuut, maar het ’n ambisieuse skepskop in die 11de en ‘n strafskop in die 21ste minuut verbrou.

Lote Tuqiri het teen die verloop van die spel in, die enigste drie in die eerste helfte gedruk om die Wallabies met halftyd 5-3 te laat voorloop.

George Smith het die bal aan die agterkant van die lynstaan bemeester om die vleuel Peter Hynes op ‘n sterk lopie te stuur. Die Wallabie-agterlyn het vir die eerste keer behoorlik in rat gekom en na flinke aangeë tussen Sharpe and Giteau het Tuqiri gedruk. Daarmee het hy Matt Burke, die voormalige Wallabie-heelagter, se rekord as die speler met die meeste toetsdrieë (29) geewenaar.

Afrigter Deans het na die wedstryd gesê die oorwinning teen ‘n baie fisieke Bok-span, was nie juis aanskoulik nie, maar baie hard. “Dit sou nooit ‘n perfekte vertoning gewees het nie” Goeie verdediging het al vier sy span oorwinnings die seisoen, een teen Ierland, twee teen Frankryk en nou teen die Bokke, gekenmerk.

“Dit is iets wat van binne kom,” het Dean gesê.

Pieter de Villiers, Suid-Afrika se afrigter, het gesê Australië het die oorwinning verdien. “Hulle was meer klinies. Dit was nie mooi nie, maar dit was goed om deel te wees van ‘n toets soos dié.

Die Springbokke keer Sondag terug na drie weke in Nieu-Seeland en Australië en speel hul oorblywende drie Drienasies-wedstryde in Suid-Afrika - teen die All Blacks op 16 Augustus in Kaapstad en dan twee agtereenvolgende wedstryde teen die Wallabies op 23 Augustus in Durban en 30 Augustus in Johannesburg.

Australië se volgende wedstryd is op 26 Julie teen Nieu-Seeland in Sydney.

* Puntemakers:

Australië 16 (Stirling Mortlock, George Smith drieë; Matt Giteau strafskop, Berrick Barnes skepskop)

South Africa 9 (Francois Steyn 2

strafskoppe, Butch James strafskop). HT, 5-3.