Druk artikel   E-pos storie aan 'n vriend

Die Kaapse sanger André Smit se debuut-CD is dalk sonder ’n titel uitgereik, maar dit is Afrikaanse musiek wat jy weer en weer na wil luister.

Dié man is vasbeslote om hom te vestig as een van die nuwe kunstenaars om mee rekening te hou.

As kind het sy ma hom aangepor om sanglesse te neem en daar het sy liefde vir musiek begin. Sy loopbaan het ’n lekker hupstoot gekry toe hy in 1997 die eindronde van die Reik na die sterre-sangkompetisie gehaal het.

“My sangstyl het ’n ligte klassieke aanslag wat in die dieselfde kategorie as Josh Groban se musiek val.

“Ek skryf nie my eie musiek nie, maar was gelukkig om goeie lirieke van Rohuan de Jager en Amanda Luyt te kry wat deur Harold Schenk getoonset is. Dit is vir my belangrik dat die melodie van enige liedjie my stem komplementeer en ek self ook van die liedjie hou.”

André is op sy gelukkigste as mense na sy musiek luister en dit waardeer. Hy luister graag na plaaslike kunstenaars soos Jak de Priester, Lize Beekman en Karen Zoid.

Die internasionale kunstenaars Josh Groban, Michael Buble en Meat Loaf kan gereeld in sy huis gehoor word.