|
||
 |
||
|
10/04/2008 02:23 PM - (SA) Geraas maak ook hulle mal 110408
Ek kan heelhartig met die skrywer saamstem. Ek en my vrou moet nou al vir twee jaar verduur wat hy tans ervaar. Al verskil is dat die klub wat ons lewe versuur, tot soggens 04:00 oop is. Dit wil voorkom of die DJ wat by sy klub die onaardige musiek opdis dit "boots and all" by ons kom voortsit, want vanaf 02:15 gaan dit by ons verskriklik! Die "beat" in die musiek laat ons gebou letterlik bewe. Die polisie se verweer is dit is net ons wat kla. Bid jou aan! As die polisie darem besluit om te kom loer, ry hul op-en-af siende blind en horende doof. Ons sien duidelik hoe hul die tik in die gloeilampie snuif; hoedat mans hul hempsmoue oprol en 'n ander een hom inspuit. En dan doen die polisie 'n beroep op die publiek om hulle te help om misdaad te bestry. Wat 'n grap? Maar ai, as die klub sluit, begin al die kompetisies. Elkeen se motor se masjien moet maksimum revolusies hard-loop; bande moet die hardste en langste kan skreeu. As hul dan genoeg geld het om brandstof so te mors, skuif dan hierdie klubs na die industriële gebiede. Daar is beter resiesbane as Hoofweg en Kusweg.
|
|
||||||||||||||||||||||||||||
