 |
||
|
03/07/2008 12:28 PM - (SA) Springbokkie hou ons naam hoog 04-07-2008
Claudia is die jongste van Denzel en Jolene Davids se dogters en haar pa was ook 'n kranige rugbyspeler op sy dae. Hy het vir die rugbyklub All Saints van Somerset-Wes gespeel en het ook die Somerset Rugbyraad in die destydse SA Bekerkompetisie van SARU verteenwoordig. Tans is hy die afrigter van All Saints. Claudia sê haar liefde vir rugby het op 'n baie jong ouderdom begin, toe sy elke Sater- dag saam met haar pa rugbyveld toe is. Sy het by die Hoërskool Zandvliet die bestuurder van een van die spanne geword en in matriek het sy vir die meisiespan uitgedraf. Later het sy by die span van UWK aangesluit en is ook in die WP-span opgeneem. "Die afgelope naweek was vir my 'n belewens en dit sal ek vir altyd onthou, omdat ek my land kon verteenwoordig," sê sy. Claudia het ook president Thabo Mbeki, wat hulle voor die wedstryd toegespreek het, ontmoet. Dit was vir die span 'n groot inspirasie. Sy speel die naweek op Loftus, waar die WP en die Blou Bulle se vrouens mekaar die stryd sal aansê in 'n liga kompetisie wedstryd. Haar droom is dat die Helderberg sy eie vrouespan moet vestig en om rugby af te rig, veral om die jong spelers se vaardighede te ontwikkel. Mnr. Davids sê hy is trots op sy dogter omdat sy vir hom vreugde bring deur rugby te speel.
|
|
||||||||||||||||||||||||||||
