Eikestad

STELLENBOSSER Ronet van Niekerk en Jacqueline Conradie-Faul stal hul werke op 25 en 26 Augustus van 10:00 ? 17:00 saam uit by Jonkershoekweg 72 onder die tema Meeting of the Arts. Oud-Matie Jacqueline woon en werk die afgelope vier jaar in Potsdam by ?n kultuur- en kunssentrum in ou Oos-Duitsland, nou in Bristol. ]Dit is ?n kunssentrum wat met die universiteitstad Bath groot geleenthede vir kunsontwikkeling bied en waar haar werk, soos in Potsdam, met groot sukses uitgestal is. Jacqueline het op vroeë ouderdom reeds begin skilder en het in Stellenbosch, Franschhoek, Durbanville, Wildernis, Knysna en Oos-Londen uitgestal. Sy put die inspirasie vir haar kunswerke hoofsaaklik uit natuur- en kultuurelemente. Sy streef na ?n balans tussen haar Engelse en Europese wortels enersyds en haar Afrika-erfenis andersyds. In haar skilderye meng sy graag akriel en conté, en beskilder haar klei-beeldhouwerke met akriel.
Ronet van Niekerk is die eienaar, ontwerper en vervaardiger van Sozo-juweliersware (Sozo - om te red, nuwe lewe te gee).
Ook sy het van vroeg reeds 'n fyn aanvoeling vir en belangstelling in verskillende kunsvorms, hoewel sy aanvanklik onderwys gestudeer het.
Ná haar opleiding as voorkomskonsultant, doen sy landwyd privaat konsultasie en gee ook in die korporatiewe wêreld advies oor 'n professionele voorkoms.
Ronet se styl is funky maar klassiek, en gewild by mode-fotograwe.
Sy werk hoofsaaklik met silwer, gekombineer met ongeslypte en geslypte half-edelstene en pêrels.