Die rit sal ook dien as geldinsameling vir Die Burger se Kersfonds.

Van Klapmuts af sal daar oor die Franshoekpas, grondpad al tussen die plase, tot naby Botrivier/Caledon gery word. Op Caledon sal daar gestop word, waarna daar op die grondpaaie van die pragtige Overberg-distrik tussen die lappe canola gery sal word.

By Malgas word asemgeskep, waar al die motorfietse en voertuie oor die pont (die Breede-rivier) vervoer sal word. Die pont is die enigste mens-aangedrewe pont in die land. Van die pont af word tot in Witsand gery.

Witsand is baie bekend vir sy walvisse. Tussen Junie en November is die tyd wat hulle Witsand besoek.

By die Breede Rivier Lodge sal aandete op die ryers wag, met ’n asemrowende uitsig oor die Breede?rivier-mond en die Atlantiese Oseaan.

Om die rit vir almal moontlik te maak, gaan daar weer ’n bus saam wat 24 passasiers kan vervoer.

Om jou plek te verseker vir ’n ongelooflike en avontuurlike rit met jou gesin, hetsy met motor of ’n dubbeldoel-motorfiets, bespreek vroeg om teleurstelling te voorkom. Kontak Mouton van Zyl by 082 658 2795 vir verdere inligting of bespreek direk by gsteyn@dieburger.com