Hierdie konsert, nou al in sy sewende jaar, samel geld in vir Die Burger-Kersfonds, wat jaarliks bydra tot die instandhouding van Die Burger-strandhuis in Muizenberg en drie liefdadigheidsorganisasies – die ACVV, Badisa en Mfesane – om só te verseker dat minderbevoorregte kinders in Suid-Afrika ook ’n gelukkige Kerstyd kan beleef.

Kaartjies is teen R120, R220 en R330 by www.computicket.com of by die Kunstekaap se Bel-’n-Sitplek by 021 421 7695 beskikbaar. Die Burger/b-Smart-kaarthouers kan 10% afslag op die kaartjieprys kry. Dié aanbod word egter beperk tot twee kaartjies.