Sowat 500 m lank, begin die pad in die piekniekarea en met twee rolstoelvriendelike tafels en vier uitkykpunte met ’n uitsig oor die Skiereiland en Valsbaai. Een van die uitkykpunte, gedoop die hoekie vir verliefdes, het plek vir twee rolstoele. Gestremdes het nou met hul voertuie toegang tot die piekniekarea met ’n nuwe parkeergebied, spesiaal ingerig vir hulle.

Die wandelpad is moontlik gemaak danksy die inisiatief van die Friends of the Tygerberg Hills, ’n skenking van materiaal deur die Lafarge-sementmaatskappy, asook die personeel van die natuurreservaat wat gehelp het met die oprigting van die wandelpad. Die Friends of the Tygerberg Hills is by dié geleentheid geloof vir hulle bydrae om die reservaat vir gestremdes toeganklik te maak. As die Friends of the Tygerberg ’n berg toeganklik vir gestremdes kan maak, behoort dit nie ’n probleem te wees om die res van die stad toeganklik te maak vir gestremdes nie, is by die geleentheid gesê.

’n Seremoniële lint is geknip om die amptelike opening te vier en die vieringe is afgesluit met die afvuur van kanonskote.

Die Friends beoog ook om binnekort toiletgeriewe vir gestremdes by die ingang van die reservaat in te rig.