About Us	Search	Advertising

	Brought to you by:

Hoeveel maal het jy gesien,

'n kruisie teen die pad?

Weet jy watter doel dit dien?

Dit sê: Ek het lief gehad.

Dit is 'n simbool van 'n nag se gewag

die vraag: Waar's hy nou?

En dan daardie geweldige slag

en jare se rou.

Dis 'n simbool van iemand se pyn -

'n teken van smart,

van 'n verlange wat nooit verdwyn

'n gebroke hart.

Jaarliks wanneer daar vars blomme is

op die teer langs die kruis

vertel dit 'n storie van 'n gemis

'n gaping in 'n huis.

Wanneer jou oog weer een vang -

die kruisie teen die pad -

weet net daar's iemand wat verlang -

hunker na hul skat.

- Anoniem.

	Back to top
© Overberg Media (Pty) Ltd.