HTS Bellville het verras deur die oënskynlik sterker HS Bellville te klop, terwyl Brackenfell op Worces?ter die pronkspan van HTS Drostdy 17-16 getroef het.

HS Bellville het gedurende die eerste helfte duidelik na ’n wenspan gelyk teen HTS Bellville. Maar in die tweede skof het laasgenoemde die tuisspan behoorlik laat les opsê om uiteindelik welverdiend 17-13 te wen. HS Bellville het egter byna ’n oorwinning beklink toe hy in die laaste minuut op HTSB se doellyn gestuit is.

Goeie verdediging en beter afronding het D.F. Malan 11-6 teen Stellenberg laat wen, maar die ander Tygerbergse spanne in die Premierliga, Durbanville (15-27 t Worcester Gimnasium), HS Tygerberg (0-31 t HS Oudtshoorn) en Monumentpark (3-20 t Parel Vallei) het verloor.

In die A1-liga het Milnerton met ’n oorwinning van 11-5 oor Rangers-klub sy segetog voortgesit. Ander wenners is Kasselsvlei (24-10 t J.G. Meiring), President (17-8 t Table View), Tygerberg-klub (24-0 t Eersterivier/Blue Downs), Scottsdene (33-0 t Eben Dönges), Fairmont (31-6 t The Settlers), Bellville-Suid (26-7 t Parow) en Scottsville (26-5 t Atlantis-skole).

Die vernaamste o.19A-wedstryde Saterdag (tuisspan eerste) is: Rondebosch t D.F. Malan, HTS Bellville t SACS, HS Bellville t Durbanville, Stellenberg t HS Swartland, Monumentpark t Brackenfell, HTS Drostdy t HS Tygerberg, Vishoek t De Kuilen, J.G. Meiring t President, Tygerberg-klub t Kasselsvlei, Fairbairn t Bosmansdam, Milnerton t Fairmont, Parow t Scottsdene, Table View t Piketberg, The Settlers t Excelsior, Bellville-Suid t Westerford.