Een van Durban se duurste wooneenhede word tans deur Pam Golding Eiendomme bemark teen R14,5 miljoen.
Dié luukse dakwoonstel is op die twee boonste verdiepings van die bakenontwikkeling vir gemengde gebruik, The Spinnaker, naby die hawe-ingang in die Point Waterfront.
Dié eenheid beslaan 481 m² met ’n bykomende 345 m² se terrasruimte.
Die gebou wat 98,2 m die lug introon, kyk uit oor die uShaka Marine World en huisves ’n totaal van 91 luukse wooneenhede, 14 kantoorsuites en kleinhandelruimte.
Daar is nog 10 residensiële eenhede beskikbaar om te koop, wat wissel van 98 m² tot 150 m² met terassse van 20 m² tot 76 m², teen pryse van tussen R1,75 miljoen en R2,65 miljoen elk.
Aan die kommersiële kant is daar nog winkels beskikbaar van tussen 90 m² en 650 m² groot teen tussen R1,1 miljoen en R9,5 miljoen.
Die kantore beslaan tussen 65 m² en 276 m² en verkoop vir vanaf R845 000.
Rand/£: 16.1200
Goud $/ons: 847.40
Vind jou ou
