Johannesburg. – Mnr. Tito Mboweni, president van die Reserwebank, het Investec weer oor die vingers geraps, het CNBC Africa se webblad vandag berig.

“Mboweni het gesê dat Investec, die land se vyfde grootste bank, probeer het om die monetêrebeleidskomitee se besluit oor rentekoerse in ’n sekere rigting te dwing deur ’n verslag te publiseer wat aan die hand doen dat die land se inflasie laer was as wat werklike statistieke gewys het.”

Mboweni het gesê Investec moet nou ’n verduideliking gee aan die Finansiële Diensteraad nadat hy te vroeg gereageer het.

Mnr. Hendrik du Toit, uitvoerende hoof van Investec Batebestuur, was nie beskikbaar vir kommentaar nie, het CNBC Africa gesê.

– Sapa