Gauteng se provinsiale regering het R53,6 miljoen opsy gesit om township-ondernemings te help.

Volgens mnr. Paul Mashatile, Gauteng-LUR vir finansies en ekonomiese sake, sal dié geld vir finansiële ondersteuning aan ondernemings en vir die ontwikkeling van sake-infrastruktuur aangewend word.

Dit is deel van die provinsie se opheffingsprogram vir township-ondernemings. Die program sal ook soek vir sake-modelle wat deur franchises uitgebrei kan word.