Met minder as 50 dae oor voor die sluitingsdatum, moet ondernemings spring om hul inskrywings gereed te kry vir Ou Mutual se Onderneming van die Jaar-kompetisie.

Die kompetisie, aangebied deur Ou Mutual in samewerking met Media24, die Afrikaanse Handelsinstituut en Business Partners, stel hom ten doel om die algehele profiel van ondernemings in die land te verhoog.

Met die kompetisie word “ondernemings wat uniek is, wat uitstekende diens lewer en ’n bydrae tot werkskepping maak, geïdentifiseer en erkenning gegee”.

Meer as R100 000 se prysgeld is op die spel.

Inskrywings word vir twee kategorieë ingewag.

Ondernemings met ’n jaarlikse omset van R15 miljoen of meer kan in die eerste kategorie inskryf, terwyl kleinsake-ondernemings met ’n jaarlikse omset van minder as R15 miljoen in die tweede kategorie kan inskryf.

Die algehele wenner in elk van die kategorieë sal R25 000 en mediablootstelling ontvang.

Meer inligting en inskrywingsvorms is by www.oldmutual.co.za/enterprise beskikbaar.

Die sluitingsdatum is 15 Julie 2008.

) Sake24 is ’n Media24-publikasie.