Die risikobestuur-spesialisgroep SAS Institute beplan om ’n reeks seminare, met risikobestuur as tema, vanaf volgende week aan te bied.

Die eerste hiervan sal volgende Donderdag by Dimension Data se Forumgebou in Bryanston, Sandton, plaasvind.

“Risiko is altyd ’n groterwordende deel van sake-doen,” sê mnr. André Zitzke, oplossingspesialis vir SAS.

“Dit raak nie net finansiële instellings nie, maar alle ondernemings. Die doel van die seminare is om uit te wys hoe sakeleiers tot dusver risiko bestuur het deur middel van ’n kombinasie van sake-prosesse en tegnologieë.”

Mnr. Kevin Maartens, risiko-spesialis van Nedbank, en mnr. Bevan Smith, van die IQ Business Group, sal as gassprekers by volgende week se seminaar optree.