Johannesburg. – Me. Maria Ramos, uitvoerende hoof van Transnet, se kontrak wat teen die einde van Oktober sou verstryk, is gewysig, het Transnet vandag gesê.

Mnr. John Dludlu, Transnet se woordvoerder, het gesê Ramos se kontrak is verleng om haar die geleentheid te bied om kennis te gee indien sy beplan om haar kontrak te beëindig.

“Die aangepaste kontrak het nie meer die vasgestelde bepalings nie en bevat ’n nuwe klousule wat van haar of die raad vereis om kennis te gee wanneer sy haar pos wil beëindig.”

Volgens Dludlu het die wysigings die steun van mnr. Alec Erwin, minister van openbare ondernemings.

Hy het ook bygevoeg dat die raad opvolgplanne het vir al die senior uitvoerende poste in die maatskappy.

– Sapa