Jaco Visser,
Die bloed loop in die strate.
Wêreldmarkte het die week diep in die rooi afgeskop en die plaaslike aandelemark het nie ontkom nie.
Die JSE se indeks van alle aandele het teen teetyd reeds met meer as 1 033 punte, oftewel 4,6%, getuimel.
Die rand het ook sy swakheid na verdere rekords gevoer en tot sy swakste punt sedert Januarie 2002 gegly.
Die rand het sedert verhandelings Vrydagaand reeds met 24c tot R8,69 verswak.
Beleggers is besig om op groot skaal uit hulbronaandele, kommoditeite en aandelemarkte in opkomende ekonomieë te klim.
Dít is te danke aan die donkerwolke van die finansiële krisis wat al swaarder oor die wêreldmarkte hang.
Op die JSE het die hulpbronindeks met meer as 6% getuimel weens sterk kopwinde vir Anglo American en BHP Billiton. Albei dié aandele se pryse het met meer as 10% gegly.
Die platinumindeks het ook ’n opstopper weg en het met 7,4% in die rooi geboer.
Op die wêreldmarkte lyk dit besonder droewig.
Die Ooste het ’n nag van verliese agter die rug.
In Tokio het die hoofindeks met 4,7% gegly, Hongkong was met 5% in die rooi, Shanghai met 5,2% af en die hoofindeks in Jakarta met 10%.
In Europa het die markte vanoggend somber geopen.
In Londen het die FTSE-100 met 5% geduik, in Parys het die CAC-40 met 5,2% gedaal en in Frankfurt was die DAX 5% laer.
Rand/£: 15.4600
Vind jou ou
