Die land se openbare vervoerstelsel, paaie en spoorinfrastruktuur was aan die gelukkige kant toe mnr. Trevor Manuel, minister van finansies, R8,2 miljard hiervoor bewillig het.

Manuel het in sy begrotingsrede in die parlement gesê ’n addisionele R2 miljard sal bygevoeg word vir openbare vervoer netwerke, veral vir ’n snelbusdiens-stelsel. Dit sal bykomend wees tot die R11,7 miljard infrastruktuurbelegging vir 2005/’06.

Hy het gesê dié finansiering strook met die 2007 openbare vervoerstrategie.