Die regering beoog om oor die volgende drie jaar die grootste deel van sy begroting teen misdaad op sigbare polisiëring te bestee.

Met die oog op die Wêreldbeker-sokkertoernooi wil hy teen 2010 meer as 200 000 polisielede in die land hê.

Dít is gister deur die minister van finansies, mnr. Trevor Manuel, aangekondig as deel van die regering se verhoogde stryd teen misdaad.

Die algehele strafregstelsel gaan ’n verdere hupstoot kry met die modernisering van tegnologie wat gebruik word in howe, polisiekantore en in forensiese laboratoriums.

Manuel het vanmiddag erken daar is nog ’n ver pad te loop met wetstoepassing in dié land, maar hulde gebring aan “diegene wie se werk blootstelling aan gevaar behels asook ’n swaar werkslading”.

’n Bykomende R10 miljard in die strafregstelsel gaan oor die volgende drie jaar nie vir meer polisielede aangewend word nie, maar ook vir staatsaanklaers, regters en landdroste. Nog 40 polisiekantore gaan landwyd gebou word en genoeg selle vir 18 000 gevangenes.