Johannesburg. ?- Eskom het ‘n R2,9 miljard-kontrak aan ‘n konsortium van Suid-Afrikaanse maatskappye toegeken vir die konstruksiewerk aan sy Medupi-kragstasie, het die maatskappy vandag bekend gemaak.
Die konsortium bestaan uit Murray & Roberts, Grinaker-LTA en Concor.
”Medupi gaan die grootste droë-verkoelde kragstasie ter wêreld wees met ‘n kapasiteit van 4 800 MW,” het mnr. Brian Dames, Eskom se hoof van kragopwekking, gesê.
Die eerste eenheid is geskeduleer om teen 2012 voltooi te wees en die hele stasie teen 2015.
Volgens Dames is Medupi een van Eskom se sleutel-installasies in die New Build-program wat daarop gemik is om die kragvoorsieningsgaping te vernou.
Die kontrak behels onder meer die konstruksie van paaie, dreine, fondasies en alle siviele ingenieurswerk, het Dames gesê.
Daar sal na verwagting binnekort met werk aan die kragstasie begin word. – Sapa
Rand/£: 15.1200
Platinum $/oz: 1742.00
Vind jou ou
