Teheran. – Iran beplan om van volgende maand af sy olieproduksie waarskynlik met tussen 400 000 en ’n miljoen vate per dag te verminder, het die semi-staatsnuusagentskap <i>Fars</i> vandag berig en ’n ingeligte bron aangehaal.

Iranse amptenare was nie onmiddellik beskikbaar om kommentaar hierop te lewer nie. Die berig dui glo 21 Mei aan as die begin van Iran se maand. Iran is die wêreld se vierde grootste olieprodusent.

“Die Islamitiese Republiek van Iran beplan om sy daaglikse olieproduksie van volgende maand af te verlaag,” het Fars gesê en bygevoeg dat die presiese hoeveelheid wat minder geproduseer sal word, binnekort aangekondig sal word. – Reuters