Genève - ‘n Peervormige blou diamant is verkoop vir Sfr5.2 miljoen (sowat $4.93 miljoen) en het daardeur ‘n nuwe wêreldrekordprys per karaat vir enige steen behaal, het Sotheby’s vandag gesê.
Die koper van die 3.73 kar. blou steen was die Britse juwelier mnr. Laurence Graff, wat ook ‘n ligte pienk diamant van 6.26 kar. vir Sfr1.67 miljoen gekoop het.
Die peervormige diamant weeg net 3.73 kar. en is in platinum geset. – Reuters