Onder die maatskappye is 66 staalvervaardigers, asook kooks?aanlegte, sementmaatskappye en kleiner kragverskaffers, het ’n amptenaar gesê. Hulle sal aan streng omgewingsbewaringstoetse onderwerp word voordat hulle hul produksie op ’n ongespesifiseerde datum sal kan hervat, het die ingeligtes gesê.

Dit is kleiner maatskappye en die impak van die sluiting op Hebei se staalbedryf, wat sowat 20% van China se vermoë verteenwoordig, sal nie noemenswaardig wees nie, het ontleders gesê.

Beijing, een van die stede in die wêreld wat die ergste besoedeld is, het $20,43 miljard bestee om chroniese besoedeling te bestry ter voorbereiding van die Olimpiese Spele wat op 8 Augustus begin.

Besoedeling is ’n groot bron van kommer vir talle atlete, en die Internasionale Olimpiese Komitee het gesê hy kan moontlik van die items wat uithouvermoë toets, herskeduleer om gesondheids?risiko’s te oorkom.

Van 1 Julie af sal voertuie wat nie voldoen aan streng regulasies oor kweekhuisgasvrystellings nie, in Beijing verbied word. Op 20 Julie sal Beijing ’n verkeers?beheerstelsel instel wat die drie miljoen motors op die stad se paaie sal halveer. Dit sal geskied met ’n stelsel van gelyke en ongelyke motor-registrasienommers.

Beijing se munisipale regering het in April reëls neergelê wat van nywerhede vereis om produksie ná 20 Julie te verminder of te staak.

Sommige maatskappye op die lys het reeds produksie gestaak, soos Qinchang Glass, ’n maatskappy in ’n voorstad van Beijing. “Ons sal eers ná die Olimpiese Spele produksie hervat,” het ’n werknemer van dié aanleg gesê op voorwaarde dat hy anoniem bly. – Reuters