Speke sy spil

2017-01-11 06:01
Arthur Els met sy fiets, waarop hy honderde kilometer per jaar in fietsrenne kafdraf. Foto’s: Karin Muller

Arthur Els met sy fiets, waarop hy honderde kilometer per jaar in fietsrenne kafdraf. Foto’s: Karin Muller

Multimedia   ·   User Galleries   ·   News in Pictures Send us your pictures  ·  Send us your stories

“Ek weet nie eens hoeveel keer ek Griekwaland-Wes-kleure vir fietsry gekry het nie,” sê Arthur Els, lewenslange inwoner van Kimberley.

Op 72 is hy steeds op sy fiets aan die rondrits.

“Daardie tyd was Keuromed die Kimberley Kraaminrigting,” vertel Arthur, om te verduidelik hoe lank hy reeds fietsry.

Die enigste tyd dat hy lank uit Kimberley was, was die nege maande wat hy in Bloemfontein diensplig gedoen het.

Oorspronklik het hy met baan- en padfietswedrenne begin, maar het later van tyd sy baanfiets vir ’n bergfiets verruil.

“Fietsry hou ’n mens fiks en soepel,” sê Arthur.

“Fietsry is vir my baie minder straf op my ledemate as draf, maar dan moet jy nie val nie,” sê hy en gee ’n laggie.

Oor die era van fietsry in Suid-Afrika en hoe dinge verander het, kan Arthur heerlik gesels.

“Kimberley het in 1966 die Suid-Afrikaanse baankampioenskap aangebied,” vertel hy.

“Daarna het ons in 1997 en in 2000 die Suid-Afrikaanse padkampioenskap aangebied.”

In die wedren in 1997 het Arthur ’n bronsmedalje in die ouderdomskategorie vir 50 tot 55 jaar verower.

“Die wind was daardie dag verskriklik sterk,” onthou hy.

Hoewel hy hier en daar ledemate gebreek het, het dit hom nie afgeskrik nie.

“Ek kon een jaar nie aan ’n groot kampioenskap deelneem nie omdat ek my sleutelbeen gebreek het.

“Toe tree ek as ’n beampte op.”

Die ergste besering wat hy opgedoen het, was ongeveer sewe jaar gelede toe hy op rotse geval het.

“Ek het met daardie val sewe ribbetjies gebreek en vog op my longe gekry.

“Dit was verskriklik seer. Die dokter het my aangeraai om vir sewe weke nie te oefen nie.

“Die oomblik toe die sewe weke verby was, het ek, sonder om te oefen, aan die eerste wedren wat oor my pad gekom het deelgeneem,” bieg hy.

Oorspronklik was Arthur by die tweede oudste fietsryklub in die land – die De Beers-fietsryklub – betrokke.

“In die 1960’s en 1970’s het De Beers en Griekwaland-Wes ­onderskeidelik elke fietsryer met R2,50 vir fietswedrenne geborg,” vertel hy.

“Dan het ons die geld vir petrolgeld bymekaargesit en in groepe van vier met een persoon se voertuig gery om geld te spaar.

“Dit kos ’n hele paar rand om aan fietswedrenne oor die hele land heen deel te neem.”

Ongeag dat Arthur sy hele lewe nog met asma sukkel, laat hy hom nie daardeur van stryk bring nie.

“Ek dra een van my asmapompies by my wanneer ek fietsry.”

Die goeie vriende wat Arthur deur deelname aan hierdie sportsoort gemaak het, sal hy vir niks in die wêreld verruil nie.

Wanneer hulle aan groot wedrenne deelneem, kom die manne steeds ná ’n halfeeu se vriendskap bymekaar om te kuier.

Nadat Arthur ’n paar jaar gelede op 31 Julie by Transnet afgetree het, het hy die volgende dag by ’n ander werkgewer begin werk.

“Ek moet besig bly,” vertel hy. “Ek help oral waar ek kan.”

Word Arthur gepols oor wanneer hy sy fiets permanent gaan bêre, lag hy net.

“Ek gaan ry totdat ek nie meer kan opklim nie of totdat ek opklim en aan die ander kant afval.”

Join the conversation!

24.com encourages commentary submitted via MyNews24. Contributions of 200 words or more will be considered for publication.

We reserve editorial discretion to decide what will be published.
Read our comments policy for guidelines on contributions.
NEXT ON NEWS24X

Inside News24

 
Partner Content
What all investors should know about index investing

Index-linked investments are growing fast in popularity globally, and are growing in size and complexity too.

Partner Content
How data is changing investments

Technological disruption is rife in many spheres of business and given the quantity of data available, it’s no surprise that the way in which asset managers work is also changing fast.

/News
 

Does your dog have separation anxiety?

We've got tips, advice and how to help your dog

 
 

Paws

Fascinating facts about dogs
Perfectly captured cat snapchats!
Out with the old dog, in with the new
Play with your pet when you're not at home
Traffic Alerts
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.

Settings

Location Settings

News24 allows you to edit the display of certain components based on a location. If you wish to personalise the page based on your preferences, please select a location for each component and click "Submit" in order for the changes to take affect.




Facebook Sign-In

Hi News addict,

Join the News24 Community to be involved in breaking the news.

Log in with Facebook to comment and personalise news, weather and listings.