McLaren-sirkusbaas mor oor weiering van staanplek

2017-01-11 06:01
David McLaren, eienaar van die McLaren-sirkus, en Duncan McLaren, Chakalaka die nar, saam met Ivory die luislang toe hulle vroeër in Port Elizabeth was. Foto: WERNER HILLS

David McLaren, eienaar van die McLaren-sirkus, en Duncan McLaren, Chakalaka die nar, saam met Ivory die luislang toe hulle vroeër in Port Elizabeth was. Foto: WERNER HILLS

Multimedia   ·   User Galleries   ·   News in Pictures Send us your pictures  ·  Send us your stories

DIE McLaren-sirkusbase glo magsposisies is misbruik om hulle vanjaar uit een van die Oos-Kaap se bekendste vakansiedorpe te hou.

Die afgelope drie jaar was dit heeltyd ’n toutrekkery tussen sirkusbase en Port Elizabeth se diereregteaktiviste wanneer die sirkustent met al sy diere in Port Elizabeth, Uitenhage of Jeffreysbaai opgeslaan word.

Vanjaar het David McLaren, eienaar van die sirkus, egter besluit om Port Elizabeth en Uitenhage oor te slaan, maar hy het tog gehoop om vertonings vir ’n week lank op Jeffreysbaai te kan aanbied.

“Soos die afgelope nege jaar, was die aansoek vir ons permit in Jeffreysbaai betyds en is dit volgens die reëls gedoen. Middel Desember is ons egter laat weet ons aansoek is afgekeur,” sê McLaren.

Hy is daarvan oortuig dat ’n interne geknoei tot dié weiering bygedra het.

“Die saak is by ons prokureurs. Ek glo daar is van magsposisies in die munisipaliteit misbruik gemaak om ons uit die dorp te hou.”

McLaren het spesifiek na een werknemer van die munisipaliteit verwys, wat volgens hom ook bande met diereregteaktiviste het.

By navraag het Elza van Lingen, uitvoerende burgemeester van die Kouga-munisipaliteit, gesê een van die redes hoekom die sirkus se aansoek van die hand gewys is, is weens die teenstand van die publiek en vorige jare se ervarings met die sirkus.

Sy sê ook die besluite rakende die toelating van vertonings word gesamentlik deur senior amptenare van die munisipaliteit en die polisie geneem.

Van Lingen het onderstreep dat die persoon na wie McLaren verwys, nie ’n senior amptenaar is nie.

Van die redes vir die sirkus se weiering sluit in rusverstoring, dieremishandeling en verkeersprobleme wat kan ontstaan.

“Ons sal die besluit aanvaar as daar bewyse van die klagtes verskaf kan word. Al antwoord wat ons gekry het, is dat die grond aan die munisipaliteit behoort en hulle nie toestemming hoef te gee nie,” het McLaren hierop gereageer.

Hy het voorts gesê ingevolge Suid-Afrikaanse wetgewing is dit nie onwettig om diere vir vermaak te gebruik nie, en hy het geen munisipale regulasies van die Kouga-munisipaliteit onder oë gehad wat aan hom sou bewys dat die aanbieding van ’n sirkus hier onwettig sou wees nie.

“Ons wag steeds vir terugvoering met bewyse van die munisipaliteit. Want ons sal volgende jaar terug wees en wil weet hoe ons te werk moet gaan. Ons gaan nie deur ’n klein groepie mense weggehou word nie,” sê hy.

Join the conversation!

24.com encourages commentary submitted via MyNews24. Contributions of 200 words or more will be considered for publication.

We reserve editorial discretion to decide what will be published.
Read our comments policy for guidelines on contributions.
NEXT ON NEWS24X

Inside News24

 
/News

Book flights

Compare, Book, Fly

Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.

Settings

Location Settings

News24 allows you to edit the display of certain components based on a location. If you wish to personalise the page based on your preferences, please select a location for each component and click "Submit" in order for the changes to take affect.




Facebook Sign-In

Hi News addict,

Join the News24 Community to be involved in breaking the news.

Log in with Facebook to comment and personalise news, weather and listings.