Moeë gebou herrys as koffieplek

2016-01-20 06:00
Dit is in 1895 gebou en was eens die woning van ’n Baaise burgemeester, maar sedert Oktober verlede jaar is dié gebou in Parkrylaan bekend as die Victorian Veranda. Dié kompleks, wat bestuur word deur Cindy Hoekstra, huisves die koffiewinkel Savages, asook ’n geskenkwinkel.  Foto: Werner Hills

Dit is in 1895 gebou en was eens die woning van ’n Baaise burgemeester, maar sedert Oktober verlede jaar is dié gebou in Parkrylaan bekend as die Victorian Veranda. Dié kompleks, wat bestuur word deur Cindy Hoekstra, huisves die koffiewinkel Savages, asook ’n geskenkwinkel. Foto: Werner Hills

Multimedia   ·   User Galleries   ·   News in Pictures Send us your pictures  ·  Send us your stories

’n EGPAAR van die Baai het nuwe lewe ingeblaas in ’n 111-jarige gebou in Sentraal deur dit in ’n koffiewinkel, Savages, te omskep.

Die winkel is geleë in die gebou bekend as die Victorian Veranda wat ’n belangrike deel van die Baai se geskiedenis uitmaak.

“Dié buurt was vroeër die hart van die stad,” sê Cindy Hoekstra, eienaar van Savages. “Dit was ook destyds die woning van William Savage jr., ’n voormalige burgemeester in die dorp.

Die Savages was bekende Baaienaars aan die begin van die vorige eeu. William Savage sr. het die helfte van die geld vir ons pragtige stadsbib-lioteek gegee, en sy loodglas-portret kan daar gesien word. Dit is dan waar die koffiewinkel sy effens omstrede naam gekry het.”

Die gebou is aanvanklik deur haar man, Konrad, ’n plastiese chirurg in die stad, gekoop om as spreekkamer te gebruik. “Die gebou was erg verwaarloos nadat dit as ’n studentekommune bedryf is en haweloses later hul intrek geneem het. Soos ons meer oor die geskiedenis van die pragtige gebou geleer het, het ons besluit om dit eerder te gebruik vir iets wat ons met die Baaise mense kan deel. “Die idee ontstaan toe om ’n koffiewinkel te hê wat ook konferensies kan huisves, met ’n geskenkwinkel om dit aan te vul.”

Dit was ook vir hulle belangrik om die gebou te restoureer om die erfenis te behou.

“Konrad het die planne self behartig, en baie van die houtstrukture self gebou,” sê Cindy. “Soms moes ons om 22:00 met flitsligte in die gebou rondstap om planne te beraam. Dit was vir ons ’n liefdeswerk – ons wou iets beeldskoons skep waarop die mense van Port Elizabeth kan trots wees.”

Hulle kon die oorspronklike vloere en deure behou, maar het ’n moderne gevoel aan die koffiewinkel verleen waar hulle kon. Toe was die volgende stap om ’n kok te vind.

“Dit was vir my belangrik om mense aan te stel wat gelukkig sal wees hier, want jou werksplek is waar jy ’n groot deel van jou tyd deurbring,” sê Cindy.

“ ’n Vriendin van Kaapstad het vir my ’n kok aanbeveel nadat sy haar kookkuns by ’n private geleentheid geproe het.”

Dié kok, Vanessa Marx, is kort daarna by Savages aangestel. “Ek het haar gebel en dadelik van haar gehou. Toe ek haar later op Google soek, het ek besef ek het die boerpot gewen.”

Dít omdat Vanessa, self ’n Baaise boorling, reeds naam gemaak het toe sy in 2013 die Eat Out Nederburg Rising Star-toekenning gewen het.

“Ek het haar aangestel voordat ek nog haar kos geproe het,” vertel Cindy.

Nou werk Vanessa saam met Ally Kellett, nog ’n Baaienaar wat in Switserland as soetbakker (pastry chef) opgelei is.

Vanessa is in beheer van Savages se spyskaart.

“Die disse wat ons bedien, is alles eenvoudige kos, maar dit word op ’n elegante manier berei. Ons gee baie aandag aan fyner besonderhede, en boonop kook ons op ’n volhoubare, organiese wyse.”

Selfs ná haar jare as kok in Kaapstad is sy steeds ’n Baaienaar in haar hart, sê sy.

“Die stad is kalm en eenvoudig, maar het ook genoeg vonkel en karakter. Ek kan nie wag om te sien hoe dit oor die volgende paar jaar ontwikkel nie. In Kaapstad is daar al jare ’n kultuur rondom kookkuns, maar die Baai het soveel potensiaal,” sê Vanessa.

“Boonop is die mark hier nog nie so vol nie, so daar is meer ruimte om te groei.”

Cindy het juis planne om Savages in 2016 verder te ontwikkel. “Ek het ’n hele paar idees. Ons wil kos-en-wynparing aanbied, en dan wil ons die amfiteater voor die koffiewinkel ook voltooi. Hier wil ons plaaslike musiekkunstenaars laat optree en pieknieks hou.”

Hoewel die ontwikkeling haar baie besig hou, sê Cindy sy is steeds dol oor die kompleks.

“Ek dink nie ek het aan die begin besef hoe baie van my tyd dit in beslag sou neem nie,” erken sy. “Ek sal baie graag ’n dag wil vry hê. Maar ek geniet dit, want elke dag ontmoet ek nuwe mense en die terugvoering is ongelooflik positief. ’n Hoogtepunt vir my en Konrad is as bejaarde Baaienaars ons kom vertel van hoe hulle die gebou onthou, en die leemtes in die geskiedenis daarvan kan aanvul.

“Ons lééf dié plek. Dit is iets wat ek en Konrad saam wou doen en iets wat ons baie liefhet.” – ODETTE KEMP

Join the conversation!

24.com encourages commentary submitted via MyNews24. Contributions of 200 words or more will be considered for publication.

We reserve editorial discretion to decide what will be published.
Read our comments policy for guidelines on contributions.
NEXT ON NEWS24X

4 die in Lenasia gunfight

2016-09-24 19:46

Inside News24

 
PARTNER CONTENT
INFOGRAPHIC: New thinking required for retirement

Everything we believe about retirement is fast becoming outdated.

PARTNER CONTENT
WATCH: How education can change a life

A university education gives students the chance to create a better future for themselves, their families and to opportunity achieve their dreams.

/News

Book flights

Compare, Book, Fly

Traffic Alerts
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.

Settings

Location Settings

News24 allows you to edit the display of certain components based on a location. If you wish to personalise the page based on your preferences, please select a location for each component and click "Submit" in order for the changes to take affect.




Facebook Sign-In

Hi News addict,

Join the News24 Community to be involved in breaking the news.

Log in with Facebook to comment and personalise news, weather and listings.