Voormalige hoof van ‘Die Burger’ Oos-Kaap stel tweede boek bekend

2016-08-31 06:00
Johann Botha, skrywer van Koukonap. INLAS:  Omslag van die boek Koukonap .  Foto’s: Verskaf

Johann Botha, skrywer van Koukonap. INLAS: Omslag van die boek Koukonap . Foto’s: Verskaf

Multimedia   ·   User Galleries   ·   News in Pictures Send us your pictures  ·  Send us your stories

’n VOORMALIGE hoof van Die Burger Oos-Kaap, Johann Botha, stel volgende week sy tweede boek, “Op Koukonap” in die Baai bekend.

Volgens Botha gaan die boek oor “gewone mense in die greep van die geskiedenis, geïllustreer deur die lewe op ’n klein dorpie”.

Dit speel af in die 1950s in die Noord-Kaap, waar die samevloeiing van die Vaal- en Oranjerivier Die Neus vorm. Die Vrystaters Lood en Lenie het hulle teësinnig op die rivierdorp kom vestig met hul seun Dries, wat gedurig in sy kano die rivier aan’t verken is, en sy twee broers, Karel en Theunie.

In die gemeenskap wat hulle mettertyd leer ken, is daar Ênie Malmok en Japie Tarentaal van die Breipaal-lokasie. Die Davels oorkant die draad. Dik Dawid Daneel en Mank Manie Wolmarans en neef Boet Viljoen wat doedelsak speel in die kroeg.

Uit hierdie mense vloei verskeie storielyne.

Botha, wat agt jaar gelede as hoof van Die Burger Oos-Kaap in Port Elizabeth afgetree het, het op Douglas in die Noord-Kaap grootgeword. En al het hy in sy loopbaan op verskeie plekke in Suid-Afrika gewoon, is die Noord-Kaap in sy geheue ingeprent.

Kinderjare se herinneringe gee kleur aan sy vertelling.

Botha sê hy kan eerstehands getuig van baie wat die karakters in sy boek ervaar het. “Maar onthou, ek was ’n joernalis, politiek interesseer my. Koukonap eindig in die 1960’s toe die ANC in opstand gekom het en die mense in die strate getoi-toi het, toe Hendrik Verwoerd ’n aanval oorleef het. Selfs al woon jy op Koukonap, is jy nie teen die veranderinge beskerm nie.”

Dan sê hy vinnig: “Die boek is darem nie net erns nie. Daar is ook stou- tigheidjies en humor.” Die rivier is end-uit die tema, simbolies en werklik.

Koukonap is Botha se tweede publi-kasie. Sowat twee dekades gelede is hy met die Eugène Marais-prys bekroon vir sy debuutwerk “Die groot vyf”. Hierin vertel Botha van die politieke oorgang in Suid-Afrika teen die agtergrond van die natuurlewe.

Dié kennis het hy eerstehands opgedoen toe hy bemarkingshoof van Nasionale Parke was.

Botha se loopbaan het ook ander draaie geloop. Met ’n M-graad in Afrikaans van die Universiteit Stellenbosch en ’n PhD van die Universiteit van Kaapstad (UK) het hy Afrikaans-Nederlands aan die UK en die destydse Randse Afrikaanse Universiteit (nou die Universiteit van Johannesburg) gegee, maar in sy hart is hy ’n joernalis en dit het hy uitgeleef by Die Burger, Die Transvaler en Volksblad.

“Ek was altyd lief vir lees en skryf. Toe beland ek by Die Burger en besef hoe min ek weet. Die subs (taalversorg-ers) was gerekende mense. Jy het gesidder en beef in hul teenwoordigheid. Ek onthou ek het met die sub van markpryse begin. Dit was nietemin ’n heilsame ervaring. Dit het my geleer om feite akkuraat weer te gee, nie hoog-drawend te skryf nie en taal ekonomies te gebruik.”

Botha, wat na homself verwys as “’n verslaggewer wat so bietjie skryf”, ont-wyk die vraag oor wat volgende uit sy rekenaar verwag kan word. Hy sê net: “Ek sal my bes doen om nog boeke te skryf.”

Al vier die Bothas se seuns woon in die buiteland en met die swak rand en duur lewe in Kanada, Australië en Brittanje is kuiers beperk tot “een keer ’n skrikkeljaar”. Tussendeur Skype en WhatsApp oorsee, speel Botha gholf, beoefen fotografie en hou die tuin netjies.

Wanneer daar die geringste kans is, vat hy en sy vrou, Anrie, koers êrens heen, want rondry is sy ander groot liefde.

. Koukonap, uitgegee deur Queillerie, word op 6 September om 18:00 in Exclusive Books in die Walmer-Park-in-kopiesentrum in Port Elizabeth bekend gestel. Die uitgewer Etienne Bloemhof sal met Johann Botha gesels.
– ELRETHA BRITZ

Join the conversation!

24.com encourages commentary submitted via MyNews24. Contributions of 200 words or more will be considered for publication.

We reserve editorial discretion to decide what will be published.
Read our comments policy for guidelines on contributions.
NEXT ON NEWS24X

Inside News24

 
PARTNER CONTENT
INFOGRAPHIC: New thinking required for retirement

Everything we believe about retirement is fast becoming outdated.

PARTNER CONTENT
WATCH: How education can change a life

A university education gives students the chance to create a better future for themselves, their families and to opportunity achieve their dreams.

/News

Book flights

Compare, Book, Fly

Traffic Alerts
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.

Settings

Location Settings

News24 allows you to edit the display of certain components based on a location. If you wish to personalise the page based on your preferences, please select a location for each component and click "Submit" in order for the changes to take affect.




Facebook Sign-In

Hi News addict,

Join the News24 Community to be involved in breaking the news.

Log in with Facebook to comment and personalise news, weather and listings.