Kulotsholelwani kabili?

2015-06-18 06:00

LENTO yesizwe esinsundu sokugxamalaza sithake usiko-mpilo isibuyisela emumva.

Ngiphefumula kanjena nje ngikhala ngezimali ezishisiwe ezichithwa uma kugananwa.

Kugcinwa uma uqoqela konke ndawonye kukhipha imali engalobola abafazi ababili.

Uma uthatha isinqumo sokuganwa, uyashela, uqonywe bese uqala umshikashika wamalobolo. Ufike ulobole uzishaye ziphele zoshumi nanye (11) bese uphinda weleka ngemicimbi edla ekhukhwini okuyizindleko ezingabalwa emalobolweni.

Uma singabheka inani lenkomo enoboya namuhla ziqala ezinkulunganeni eziyisikhombisa zama-randi (R7 000) kuya phezulu iyinye.

Uma singenza nje ihaba sithi inkomo iyodwa ibiza izinkulungwane eziyishumi zamarandi (R10 000) kushukuthi umuntu kumele engabe ulotsholwa ngezinkulungwane eziyikhulu neshumi zamarandi (R110 000) uma elotsholwa ngezinkomo eziyishumi nanye.

Ngisebenzise ihaba ngoba angehlanga nazo ngoba azilingani, kuqala enkulu zehle njalo kugcine encane.

Uthi ke usizishaye zaphelela lezinkomo eziyishumi nanye bese uphinda uqashe indawo yokushadiselwa (isonto nehholo), uthi usavithizwe yindawo uphinde uvithizwe abantu abazokuphekela nabazokunandisela, uphinde uhleshulwe yinani lezindandatho.

Hhebuya baba, bekunganani ngivele ngilobole abafazi ababili ngihambe ngiyobhalwa nabo kungabikho mcimbi?

Lezi zindleko ezingaveli emalobolweni zinomkhulu umthelela ekutheni amabhungu amaningi agcine elobole uhhafu engaqedi.

Ngiyaye ngizibuze ngiziphendule ukuthi ngabe ngidle obamaganu yini ngingaze ngithengele unkosikazi wami indandatho ebiza ngaphezu kwezinkulungwane ezingamashumi amabili zamarandi (R20 000).

Kodwa mhlambe vele nokucabanga kwami kwenziwa ukuthi ngidla imbuya ngothi.

Lezi zindleko zifana nokulotsholiswa kabili. Uma kungukuthi ukulobolelana kusathathwa njengendlela yokuxhumanisa imindeni nokuphemba ubuhlobo yini pho kungathiwa azididiyelwe zibuthelwe ndawonye masekuqediwe ukulobolelana bese zicezulwa phakathi okunye kukhokhwe ngabakubo kwamakoti okunye kukhokhwe ngabakwamkhwenyana.

Ngoba le nto yokuqashwa kwezinto zosuku lomshado zibiza ukwedlula ilobolo lilodwa.

Okungenza ngigcine sengizibuza ukuthi ikuphi kanti ingqikithi yomshado?

Ibhangqelwani imishado emibili yesilungu neyesintu. Yizindleko ezingenasidingo ngoba uma sishada ngokwenkolo sihlanganiswa umfundisi.

Kuqala kulezi zinkomo ezilishumi nanye ezikhishwa uma kulotsholwa intombi-nto zazibaluleke kabi ngoba zazibamba iqhaza elikhulu ngosuku lomcimbi.

Akunahholo eliqashwayo ngoba kusetshenziswa isibaya nededangendlale wesigcawu lapho kugcotshwa khona intombi ibe ngumfazi nendoda ibe ngumnumzane. Kungenwe egcekeni sekwabiwa. Lezi zinto zesilungu zisifake ehlathini kakhulu.

Ngenxa yokwenzela ukubukwa yonke into ebonakala ngosuku lomshado ichonywe isamba semali kusukela kuhlobo lwehholo, okhehlegumba bomsindo, izindwangu zokuhlobisa, amalambu, ingubo kamakoti, amasudu abaphelezela umkhwenyana, yizingubo zezimpelesi zikamakoti kuze kubalwe nethimba lezimoto elithutha izethameli, ithimba nekhetho.

Le mishado emibili ilibhoboza iliqede iphakethe buyeke iningi lethu selaphenduka amakholwa konke esikwenzayo siyagxamalaza sibambe ngapha nangapha yize ukugxamalaza kwethu kusimba eqolo!

Abantu abangamakholwa kumele basungule usiko lokukholwa olucacisa ngendlela yokuganiselana, uhlelo oluzocacisa ngamalobolo nendlela yokwenza ngoba ngikubona kushayisana kakhulu ukudibanisa isikholwa nesintu.

NGIYAYE NGIZIBUZE NGIZIPHENDULE UKUTHI NGABE NGIDLE OBAMAGANU YINI NGINGAZE NGITHENGELE UNKOSIKAZI WAMI INDANDATHO EBIZA NGAPHEZU KWEZINKULUNGWANE EZINGAMASHUMI AMABILI ZAMARANDI (R20 000)

Join the conversation!

24.com encourages commentary submitted via MyNews24. Contributions of 200 words or more will be considered for publication.

We reserve editorial discretion to decide what will be published.
Read our comments policy for guidelines on contributions.
NEXT ON NEWS24X

24.com publishes all comments posted on articles provided that they adhere to our Comments Policy. Should you wish to report a comment for editorial review, please do so by clicking the 'Report Comment' button to the right of each comment.

Comment on this story
0 comments
Comments have been closed for this article.

Inside News24

 
PARTNER CONTENT
How much food do you need to concentrate?

We have been taught that we need three meals a day in order to make it through the day and while most of us indulge in more than our fair share there is a large portion of South Africans who are living off barely enough to sustain them.

/Sport

Book flights

Compare, Book, Fly

Traffic Alerts
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.

Settings

Location Settings

News24 allows you to edit the display of certain components based on a location. If you wish to personalise the page based on your preferences, please select a location for each component and click "Submit" in order for the changes to take affect.




Facebook Sign-In

Hi News addict,

Join the News24 Community to be involved in breaking the news.

Log in with Facebook to comment and personalise news, weather and listings.