Wouter se Watergat

2016-01-28 06:00

BROER Adam en vroulief Klara van Kokstad het verlede naweek by ons kom kuier en sommer ons besending vleis saamgebring. Ek bestel gewoonlik ‘n dag voor die tyd by ‘n slaghuis daar, en Oom Pottie of ek ry dan deur om dit te gaan haal.

Hierdie keer was ons gelukkig en Adam het ons die moeite gespaar. Waarom ons vleis op Kokstad koop? Eenvoudig omdat dit daar goedkoper is, maar belangriker, die gehalte is onverbeterlik. Bowenal, soos broer Adam sê, “Daardie Kaapse snobs wat brag met hulle Karoo-lam weet nie waarvan hulle praat nie.

Wanneer jy eers aan Kokstad-lam gewoond is, smaak Karoolam na stofbossie.”

Hier op die Suidkus is daar enkele winkels wat beweer hulle verkoop Kokstad-vleis, maar jy weet nooit. Die enigste manier is om dit self daar te gaan haal.

Die hoof-besprekingspunt in die Watergat vandeesweek was rassisme. Rassisme, rassisme en nogmaals rassisme. Die oorwoë mening by ons besoekers was dat niemand die bestaan van rassisme ontken nie, dat albei kante hulle daaraan skuldig maak, maar dat die manne van die regering te ver gaan.

Hoe op aarde kan dit rassisties wees om op ‘n plakkaat te sê “Zuma must fall”, wanneer die EFF met 23 parlementslede en volgelinge van honderdduisende swart mense presies dieselfde sê, somtyds in baie sterker taal?

Om watter rede is dit rassisties indien ‘n blanke Afrikaanssprekende by ‘n foto van Paul Kruger afgeneem word, en is almal wat die destydse president die nodige eer betoon, en hul gesinne rassiste?

Oom Paul het ook maar lekker droog gemaak, vra die ouens wat hul geskiedenis ken, maar hy kan nie in iemand se wildste drome met apartheid of kolonialisme verbind word nie. Trouens, hy was seker een van die grootste slagoffers van kolonialisme.

Dis betreurenswaardig dat die regerende party op hierdie deperate strategie besluit het om politieke punte vir die komende verkiesing aan te teken, want dit befoeter versoening, en dryf wit en swart verder uitmekaar.

Ek wil voorspel dit gaan nie werk nie, want in swart geledere is daar talle wat die taktiek herken vir wat dit is. Dis net jammer dit doen intussen groot skade aan menseverhoudings, gaan kyk maar na die kommentaar op die sosiale media.

Aan albei kante. Dit maak mens bang.

Op besoek hier by ons was Renier Rautenbach van Durbanville en sy vrou Alta. Hulle is kranige gholfspelers, en het ‘n week hier deurgebring om elke baan in die omgewing te beproef.

Weens CemAir se gereelde vlugte was dit maklik om hier uit te kom. Renier is ‘n afgetrede Wes-Kaapse staatsamptenaar, en ons gesprek oor rassisme het hom aan ‘n storie laat dink wat hy lank gelede gehoor het.

Dis in ‘n Sondagskoolklassie op die Kaapse vlakte: “Klas, wietie bytjies en die blommetjies gemaak?” Klas: “Dissie jirre … looooof en prys Hom.” “En wietie grassies en die wolkies en die reën gemaak?” Klas: “Dis die jirre … looof en prys Hom!” “En klas, wietie sonde, rassisme, die dorings ennie vuilgoed en al daarie lelike dinge gemaak?” Klas: “Dissie duiwel … en f*****k hom.”

Join the conversation!

24.com encourages commentary submitted via MyNews24. Contributions of 200 words or more will be considered for publication.

We reserve editorial discretion to decide what will be published.
Read our comments policy for guidelines on contributions.

Inside News24

 
PARTNER CONTENT
INFOGRAPHIC: New thinking required for retirement

Everything we believe about retirement is fast becoming outdated.

PARTNER CONTENT
WATCH: How education can change a life

A university education gives students the chance to create a better future for themselves, their families and to opportunity achieve their dreams.

/News

Book flights

Compare, Book, Fly

Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.

Settings

Location Settings

News24 allows you to edit the display of certain components based on a location. If you wish to personalise the page based on your preferences, please select a location for each component and click "Submit" in order for the changes to take affect.




Facebook Sign-In

Hi News addict,

Join the News24 Community to be involved in breaking the news.

Log in with Facebook to comment and personalise news, weather and listings.