Wouter se Watergat

2016-02-04 06:00

SJOE, maar dit darem lekker warm die afgelope tyd. Ek het nie tot hierdie besef gekom deur na ‘n termometer te kyk nie, maar bloot deur die Watergat se bier-voorraad dop te hou. Wanneer ons drie keer per week voorraad moet aankoop pleks van een of twee keer, dan weet ons dis vrek warm.

Ewenwel, as die Watergat ‘n barometer is van gevoelens en menings in ons gemeenskap, is daar geen twyfel dat daar onder die oppervlak ‘n onvergenoegdheid is met die huidige politieke klimaat wat dreig om tot uitbarsting te kom nie. Ek het dit reeds voorheen genoem. Ongelukkig bly dit nie by gesprekke tussen mense nie, maar word die sosiale media gebruik om die vure te stook. Ek is somtyds verstom oor die uitlatings van mense wat van beter behoort te weet.

‘n Onverantwoordelike individu van die een kant sê iets kwetsend en onmiddellik kom daar heftige rassistiese teenreaksie, gevolg deur ‘n woorde-oorlog. Hoe ons hierdie siklus gaan breek, weet nugter, maar die vet weet, ons sal moet probeer. Wat my die meeste ontstel van gesprekke hier in die Watergat, is mense wat ewe vroom verklaar hulle is nie rassiste nie, en dan dinge sê wat die teendeel bewys met die “ja maar”-inleiding. Ek praat nou spesifiek van blankes, want die Watergat kry relatief min besoekers van die ander bevolkingsgroepe, hoewel ek aanvaar dieselfde tendens is by hulle teenwoordig.

Om dinge verder te befoeter, maak die regerende party dinge alhoe moeiliker. Waarom is daar ‘n ras-probleem indien Mmusi Maimane of selfs Julius Malema leierskap-lesse by F.W. de Klerk kry? Wat gaan nog as rassisties verklaar word voordat ons by die munisipale verkiesing uitkom?

Elke individu, ongeag hoe sterk sy of haar politieke oortuigings is, moet die sosiale media doelbewus meer verantwoordelik gebruik. Dis ‘n magtige inligtings-netwerk wat onmeetbare skade kan aanrig. Die verskoning is gewoonlik “maar dis die waarheid”. Die meeste deurwinterde joernaliste verpes die sosiale media, want elke Jan Rap en sy maat skryf wat hy of sy wil, of versprei berigte of mal menings, sonder dat vasgestel word of dit wel die waarheid is of wat die ander kant se mening is.

Onmeetbare skade word aangerig want daar is nie ‘n ‘hekwagter’ wat modereer nie. Vra maar vir Penny Sparrow. Sy was soos ‘n kleuter wat haar pa se rewolwer in die hande gekry en haarself in die voet geskiet het. Dis nie die wapen se skuld nie, maar die mens wat dit hanteer.

Nietemin … kom ons sluit soos gewoonlik af met iets snaaks. ‘n Welgestelde sosiale vlinder is op ‘n inkopietog. Haar selfoon lui en ‘n hospitaal-woordvoerder vertel haar haar man was in ‘n ernstige motorongeluk. Sy besluit om eers haar inkopies af te handel, en ry na die hospitaal. Daar verneem sy van die hoof-matrone haar man is verlam, in groot pyn en het deurentyd gevra na haar. “Waar was jy? Skaam jou.” Die vrou is verslae en begin huil. “Toemaar, toemaar,” paai die matrone, “ek het sommer gespeel. Hy is netnou oorlede. Wys my wat het jy gekoop.”

Join the conversation!

24.com encourages commentary submitted via MyNews24. Contributions of 200 words or more will be considered for publication.

We reserve editorial discretion to decide what will be published.
Read our comments policy for guidelines on contributions.
NEXT ON NEWS24X

Inside News24

 
PARTNER CONTENT
INFOGRAPHIC: New thinking required for retirement

Everything we believe about retirement is fast becoming outdated.

PARTNER CONTENT
WATCH: How education can change a life

A university education gives students the chance to create a better future for themselves, their families and to opportunity achieve their dreams.

/News

Book flights

Compare, Book, Fly

Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.

Settings

Location Settings

News24 allows you to edit the display of certain components based on a location. If you wish to personalise the page based on your preferences, please select a location for each component and click "Submit" in order for the changes to take affect.




Facebook Sign-In

Hi News addict,

Join the News24 Community to be involved in breaking the news.

Log in with Facebook to comment and personalise news, weather and listings.