Akuxoshwe umqondisi wezeMfundo eLembeni – ANCYL, KwaDukuza Akuxoshwe umqondisi - Greater KwaDukuza ANCYL

2017-01-25 06:02
Uphiko lwentsha lwe-ANC esifundeni i-Greater KwaDukuza lufuna uMnyango wezeMfundo uxoshe umqondisi walo mnyango esifundeni iLembe uNkk. Thembi Vilakazi ngenxa yokwehla kwezinga lokuphasa kwabafundi bakumatikuletsheni kusukela ngonyaka ka-2014 kuze kube ofile.    Isithombe: Makhosandile Zulu

Uphiko lwentsha lwe-ANC esifundeni i-Greater KwaDukuza lufuna uMnyango wezeMfundo uxoshe umqondisi walo mnyango esifundeni iLembe uNkk. Thembi Vilakazi ngenxa yokwehla kwezinga lokuphasa kwabafundi bakumatikuletsheni kusukela ngonyaka ka-2014 kuze kube ofile. Isithombe: Makhosandile Zulu

Multimedia   ·   User Galleries   ·   News in Pictures Send us your pictures  ·  Send us your stories

UPHIKO lwentsha lwe-ANC esifundeni i-Greater KwaDukuza lube nesithangami sabezindaba ngoMsombuluko, ngomhla ka-22 kuMasingana (January), lapho lwethule khona isitatimende ngezindaba ezahlukene ezithinta ezemfundo, ezolimo kanye nokuhlalisana kwabantu esifundeni iLembe.

Lolu phiko lucele ukuba uMnyango wezeMfundo uxoshe umqondisi walo mnyango esifundeni iLembe uNkk. Thembi Vilakazi. Luphinde lwakhuluma ngamathuba akhona nangeqhaza elingadlalwa abantu abasha bakulesifunda kumkhakha wezolimo. Luqhube ngokuqwashisa abafundi abadinga usizo lwezimali ukuze bezoqhubeza izifundo zabo kwimfundo emphakeme ngokuthi bexhumane namahhovisi abantu abasha atholakala ezindaweni ezahlukene kulesifunda. Luphethe ngezwi lokuphendula inhlangano yabahlali nabakhokhintela baseBlythedale Beach, phecelezi i-BBRRA.

Ngosuku lokuqala lokufunda ezikoleni, ngomhla ka-11 kuMasingana, lolu phiko lwaba nombhikisho emahhovisi oMnyango wezeMfundo esifundeni iLembe lufuna ukuba umqondisi walo mnyango eLembeni axoshwe esikhundleni sakhe ngenxa yokungenzi kahle kwabafundi bakumatikuletsheni. Kusukela ngonyaka ka-2014 izinga lokuphasa kwabafundi bakumatikuletsheni liyehla ngendlela edumazayo kulesifunda.

Umbhikisho walolu phiko waphetha ngokuthi ubuholi balolu phiko bunikeze owayemele uMnyango wezeMfundo uhlu lwezimfuno.

UNobhala walolu phiko esifundeni i-Greater KwaDukuza, uMnu. Musa Zondi uthe: “I-ANCYL ikulindele ukukhuluma ulimi uMnyango wezeMfundo ozoluqonda njengoba isicelo sethu sesasidlulisela emnyangweni.”

Uqhube wathi umnyango kumele uthathe isinqumo sokuthi ubani obaluleke kakhulu phakathi kwabafundi bakulesifunda kanye nomqondisi uNkk. Vilakazi. Uthe lolu phiko luhlele ukuhlangana nabalimi bendawo ukuze bezoxoxisana ngamathuba avuleleke abantu abasha bakulesifunda emkhakheni wezolimo. Uthe lolu phiko lufisa ukuba abalimi nabantu abasha abafisa ukungena kwezolimo besebenze ngokubambisana.

Uthe: “Sifuna abantu abasha bebambe iqhaza kwezomnotho, ikakhulukazi kwezolimo kulesifunda,” kusho uMnu. Zondi.

Uqhube wathi lolu phiko luyakholelwa ekutheni abalimi abasebancane kumele benikezwe ithuba lokuthi bebambe iqhaza kwezomnotho ukuze kuzokwehla izinga lokungalingani kwabantu ngokwezomnotho, kuphinde kwehle ukuntuleka kwemisebenzi kanye nobubha kulesifunda.

Uthe lo mhlangano nabalimi bendawo ungenye yezindlela lolu phiko oluzama ngayo ukuba lunxuse osomabhizinisi ukuba bedlale indima ekuhlonyisweni kwabantu abasha bakulesifunda.

UMnu. Zondi uthe iyamangaza indlela i-BBRRA ebeke ngayo inkulumo yayo ethinta abavakashele ulwandle ukuyozithokozisa ngesikhathi samaholide kanye nempendulo yale nhlangano mayelana nombono walolu phiko othi izindawo zokubhukuda KwaDukuza kumele zishintshwe amagama ezibizwa ngawo.

Uthe: “Lokhu okushiwo i-BBRRA kubhekiswe kubantu abasha bendlu emnyama kanti futhi kuveza inzondo le nhlangano enayo ebhekiswe kwindlu emnyama. Kumele izindawo zokubhukuda KwaDukuza ziqanjwe ngama gama abonakalisa ukuthi yiluphi uhlanga lwabantu oluningi kulesifunda,” kusho yena.

Join the conversation!

24.com encourages commentary submitted via MyNews24. Contributions of 200 words or more will be considered for publication.

We reserve editorial discretion to decide what will be published.
Read our comments policy for guidelines on contributions.
NEXT ON NEWS24X

Inside News24

 
/News

Book flights

Compare, Book, Fly

Traffic Alerts
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.

Settings

Location Settings

News24 allows you to edit the display of certain components based on a location. If you wish to personalise the page based on your preferences, please select a location for each component and click "Submit" in order for the changes to take affect.




Facebook Sign-In

Hi News addict,

Join the News24 Community to be involved in breaking the news.

Log in with Facebook to comment and personalise news, weather and listings.