News24

Kuxoshwe odokotela abebesesitelekeni eNigeria

2012-05-08 10:27

Lagos - Izikhulu eLagos, eNigeria, zixoshe odokotela abangu-788 abadube imijovo bangena esitelekeni bekhala ngamaholo kula masonto amathathu edlule, kusho isitatimende.

"Bangu-788 odokotela abebesebenzela uhulumeni abaxoshiwe eLagos ngoMsombuluko... kulandela isiteleka esingekho emthethweni abangena kusona kusukela ngo-Ephreli 16," kusho isitatimende.

Kuthiwa lokhu kuxoshwa kulandela ukuthi labo dokotela bahluleka ukuphendula ukuthi kungani bengekho emsebenzini.

Uhulumeni usuqashe odokotela abangu-373 abazovala lezi zikhala njengoba kuzoqashwa abanye kungekudala.


 - “Like” ikhasi lethu kuFacebook ukuze uthole izindaba ngolimi lwakho

 - Landela IzindabaNews24 kuTwitter