ABANINGI bazomkhumbula edlala indawo yesicebi uZakhe Mhlongo emdlalweni wethelevishini othi Hlala Kwabafileyo ngeyama-90.
Emva kwalokho wayibamba eshobeni, wasenza sahlala sithe njo komabonakude bethu esedlala indawo kaZebedee Matabane osadla ngoludala emdlalweni ka-SABC 3 othi Isidingo: The Need.
Insephe yomlingisi, uDon Mlangeni Nawa (53) wasuka nawo phansi lo mdlalo usasesiqeshini sawo sokuqala ngo-1998 njengoba eseneminyaka eyi-15 elingisa kuwona.
Uthi ngeshwa akunamali azoyithola ngomhlalaphansi kodwa unethezekile kulo mdlalo ngoba usemdala ngeke akwazi ukuntanta angabi nasikhundla.
Uthi emavikini ezayo kuzoba nezingu- quko ezinqala empilweni kaMatabane kodwa akafuni ukwanda kakhulu ngazo.