News24

Asephinde ama amanzi kuBonang no-Euphonik

2013-02-08 10:03

Johannesburg - Ngemuva kwezinyanga bephika ukuthi sebebuyelene, uBonang Matheba noThemba Nkosi, odume ngelika-DJ Euphonik babonakele bezijabulele eSandton, eGoli, kungabuzwa ukuthi bayathandana.

IDrum iphahlaze izithombe zalezi zithandani, ebezingakufihli ukuthandana kwazo, njengoba uBonang ebebonakala ebuye enombela esokeni.

Kungekudala, lezi zithandani zike zabonakala zingcebeleka e-Table Mountain, yodumo eKapa.

Abazishwashwathayo bathi lezi zihlabani zike zahlangana eNew York, nakhona zaqhuba uthando lwazo.

Ngenyanga kaMeyi ngonyaka owedlule, kwasabalala izndaba ezithi laba behlukene, kunjalo u-Euphonik ubekwe icala lokushaya uBonang.

UBonang wagcina esolwa ngosaziwayo abanye ngemuva kokuthi ehoxise icala lakhe lokushaywa, ngasekupheleni konyaka owedlule kwavela ukuthi u-Euphonik uselobole intokazi ethile eyabe ingumngani kaBonang, besafunda esikhungweni semfundo ephakeme.

Umxhumanisi kaBonang nabezindaba uSimphiwe Majola, ubhoke ngolaka ngesikhathi ebuzwa ukuthi laba sebebuyeleni yini.

"Bhalani phansi imibuzo bese ningithumelela, ngizophendula."




 - Thola lolu daba luphelele kuDrum

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela Izindaba News24 kuTwitter (@IzindabaNews24).


Comments
  • bright.vilakazi - 2013-02-08 11:18

    Mabephinda beklwebhana nizositshela futhi..ngathi nokuba usaziwayo akumnandi ngoba ubhekwa yonke into oyenzayo kahle kahle abanayo inkululeko labantu

  • pages:
  • 1