News24

Akumile ngabashona behlolelwa umsebenzi

2013-02-19 14:04

Durban - Kuya ngasemephethelweni ukuhlanganiswa kwekhomishana ezokwenza uphenyo ngabayisikhombisa, abashona ngesikhathi behlolelwa umsebenzi wokuba ngamaphoyisa omgwaqo KwaZulu-Natal, kusho uNdunankulu uZweli Mkhize, ngoLwesibili.

UMkhize uthi usetholakele ukhomishana, wathi sekusemome ukuthi kuqale umsebenzi.

Imvume yokuthi kuqhutshwe ikhomishana isitholakele, kusho undunankulu, ngesikhathi ekhuluma nabezindaba eThekwini kukade kuqhubeka i-lekgotla yeqembu.

Abantu abayisikhombisa ababefesele umsebenzi, bashona ngesikhathi begijinyiswa ibanga elingu-4km, nokuyingxenye yohlolo lokuhlolelwa lo msebenzi.

Lokhu kwenzeka enkundleni iHarry Gwala Stadium, eMgungundlovu, ngenyanga kaDisemba.

Oyedwa kwabashona kuthiwa wazibulala, bangu-34 000 abantu abafika bezohlolelwa izikhala zomsebenzi ezingu-90.




 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela Izindaba News24 kuTwitter (@IzindabaNews24).