News24

I-video entsha ngeMarikana

2013-01-28 16:47

Cape Town - Iseteshi sikamabonakude eBrithani sesisakaze umfanekiso owaqoshwa ngesikhathi kudutshulwa kubulawa abavukuzi abangu-34, emayini yaseLonmin eMarikana.

Abezindaba zeChannel 4 bathi bamukele lo mfanekiso owaqoshwa ngomakhalekhukhwini, mhlaka-16 Agasti.

Abezindaba babona kuphela imifanekiso eyaqoshwa ngabakwa-EWN, eNCA nabakwaCNN.

Umfanekiso osanda kubonakala, ukhombisa ukuthi kunabavukuzi abashonela buqamama nala kwakuqopha khona abezindaba.

“Abavukuzi babebaleka ngesikhathi amaphoyisa eqala ukudubula," kusho umbiko wabezindaba.

Kubuye kuzwakale iphoyisa limemeza lithi: "Ungamdubuli, ungamdubuli".

Iphoyisa elisuke liqopha lisondela eduze komvukuzi osuke eselele phansi eshonile, bese kuzwakala elinye iphoyisa lithi: "Lokhu kuthi....kuka nina. Ngimdubule okungenani amahlandla ayishumi."

Lona wahlonzwa njengomvukuzi oneminyaka engu-26 ubudala, owadutshulwa amahlandla ayishumi nambili.


 

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela Izindaba News24 kuTwitter (@IzindabaNews24).