News24

Isoka ligajwe wumona labulala intombi

2012-11-20 10:00

Durban - Ubekhala engakwazi nokukhuluma uNondalo Mvelase, 18, waseMpophomeni ngesikhathi ethola ukuthi isoka likamama wakhe limgwaze lambulala ngesikhathi kusuka ingxabano.

UNondalo ubhala iphepha lokugcina lokuhlolwa kuka-matric ngoLwesithathu.

“Angikholwa ukuthi ushonile. Kubuhlungu kakhulu angazi ukuthi kungani bekumele aze ambulale."

UNondalo ubehleli ezungezwe yizihlobo, nezincwadi zakhe ze-Economics ezama ukutadisha esemakhandleleni.

Umama wakhe uBongiwe Nyawuza, 32, kuthiwa ube nengxabano nesoka lakhe esiteshini sesitimela eNottingham Road.

Isoka libe selimgwaza engalweni nasesifubeni ngabo-06:00, ngokusho kwamaphoyisa.

Okhulumela amaphoyisa eHowick Cluster uCaptain Lolly Moodley uthe uBongiwe ugwaziwe kodwa wakwazi ukumisa imoto yamaphoyisa ebidlula, nokho washona ngaphambi kokufika kwabezimo eziphuthumayo.


 - “Like” ikhasi lethu kuFacebook ukuze uthole izindaba ngolimi lwakho

 - Landela IzindabaNews24 kuTwitter