News24

Kuboshwe obeqashe ingane

2013-02-15 16:37

Johannesburg - Kugasele ezakadalawane kwaboshwa indoda yaseZastron, eFree State, esolwa ngokuqasha izingane, kusho uMnyango wezabaSebenzi.

Indoda lena iqashe ingane eneminyaka engu-14 ubudala, kusho okhulumela uMyango uWisane Mavasa, esitatimendeni.

Umsolwa uboshwe ngoLwesine, uMnyango umvulele icala ngemuva kokuthi umama womfana ebikele amaphoyisa.

Ingane ibisebenza kusukela ngoLwesihlanu, ingena ngo-09:00 iphume ngo-16:00, ntambama bese ihola u-R30 ngosuku.

Izikhulu zoMnyango zifice umfana enquma izihlahla, umfana lona ufunda u-Grade-6 kwesinye sezikole, endaweni.

Umsolwa uzovela ngaphambi kweNkantolo ngoMsombuluko.

"Ngaphansi komthetho iBasic Conditions of Employment Act, kuyicala ukuqasha ingane eneminyaka engaphansi kwengu-15 ubudala,” kusho uMavasa.





 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela Izindaba News24 kuTwitter (@IzindabaNews24).


Comments
  • sboneni.nxumalo - 2013-02-16 10:07

    lobaba ubeganga ngomfana R30 usuku lonke akaboshwe uyahlukumeza

  • pages:
  • 1