News24

Kulimale 12 kusha ifemu eKZN

2012-02-02 07:32

Durban - Kulimale abantu abangu-12 kwahlengwa izilwane ezinhlanu ngesikhathi kusha ifemu oThongathi, KwaZulu-Natal, kusho abosizo lokuqala.

Lo mlilo uqubuke ngezithuba zawo-15:00 ngoLwesithathu, kusho okhulumela iNetcare 911 uChris Botha.

“Abosizo lokuqala nezicishamlilo bafike kule ndawo bathola ibhilidi lisha ubuhanguhangu,” esho.

Abantu abangu-12 balashelwe ukuhogela intuthu.

“Ukushisa komlilo kwenze kwaba nzima ukuhlenga izinja ezimbili namakati amathathu, kodwa sibhukule kwaze kwalunga," eqhuba.


 - Landela IzindabaNews24 kuTwitter