News24

Kuvundululwe izikhali eKZN

2012-11-26 14:03

Durban - Kuboshwe abantu abathathu eMangoso, ngaseDundee, enyakatho neKwaZulu-Natal, kulandela ukuthi betholakale nezibhamu ezingekho emthethweni, kusho amaphoyisa ngoMsombuluko.

Abasolwa baphakathi kweminyaka engu-19 no-63 ubudala.

Lokhu kulandela ukuthi amaphoyisa ephume inqina efuna izikhali ezingekho emthethweni ngemizamo yokugwema udlame lwezombusazwe, noselubukeka luyinsakavukela esifundazweni.

Owamaphoyisa uCaptain Thulani Zwane uthe: “Abasolwa kulindeleke ukuthi bavele enkantolo maduze.”

Kuthiwa-ke lo mkhankaso uyaqhubeka ukuze kuliwe nesihlava sodlame esihlasele esifundazweni.


 - “Like” ikhasi lethu kuFacebook ukuze uthole izindaba ngolimi lwakho

 - Landela IzindabaNews24 kuTwitter