News24

Lusekude ukuphela olwaseNkandla

2012-12-18 08:44

Cape Town - IDemocratic Aalliance ithi uMengameli Jacob Zuma wavuma ukuthi ayilandelwanga imigomo yeNational Key Point Act ngesikhathi kwakhiwa umuzi wakhe oseNkandla.

Lowo ongumholi we-DA ePhalamende uLindiwe Mazibuko uthe uZuma uphinde waveza ukuthi akazange athole saziso esithi isiza sakhe siyahambisana neNational Key Point, njengokomgomo kaSection 3 weNational Key Point Act ka-1980, kubika i-Eyewitness News.

UZuma wabhalela uMazibuko incwadi kulandela imibuzo eyaqubuka ePhalamende ngalo muzi.

UMazibuko uthe ukungalandelwa kwemigudu efanele yomthetho kwakuvele kuyimizamo yokufihla ukuthi lo muzi uzolungiswa ngesamba semali engaphezu kuka-R200 million.

"Sizobe sesihloma imibuzo kuNgqongqoshe wezamaPhoyisa ngokuthi bazothatha ziphi izinyathelo ukuze uZuma abuyise le mali yabakhokhintela," esho.


 - “Like” ikhasi lethu kuFacebook ukuze uthole izindaba ngolimi lwakho

 - Landela IzindabaNews24 kuTwitter